بعد نقاب صعب تعاملي مع مجتمعي

ماشاء الله ربي يوفقك ويثبتك ..
في البداية صعب وبعد كذا تتعودي ويصبح الموضوع سهل عليك المهم الثبات وعدم الاستسلام ..
وستكونين قدوة بإذن الله لقريباتك وبنات مجتمعك وحاولي تقنعين زوجك يفصل الضيوف الرجال عن النساء وبكذا تاخذين راحتك وتجلسين مع النساء بكامل زينتك بدون إثم ولا حرج .. موفقة أختي ولك دعوة من القلب بالتوفيق والسعادة .. 🌷🌷🌷🌷

ماشاء الله عليك .. الله يثبتك ويرزقك الاخلاص والقبول و يجزاك على صبرك الجنة ..
البداية بتكون صعبة لكن بيتعودو مع الايام واذا في البيت غرف ومساحة تكفي ابدئي في فصل الرجال عن النساء في وقت الطعام بعد كذا وقت القهوة وهكذا بالتدريج حتى يتعود الضيوف ان النساء لهم خصوصيتهم في مكان خاص بهم والرجال لهم مكان..
وقتها تشيلي النقاب امام النساء براحتك ..
الله يثبتك

الله يثبتك اهم شي تمسكك بحجابك الكامل
عليك بدعاء والاستغفار

شوفي اختي لو كان ضيوفك من اقاربك عادي لبسي عبايه والتزمي بالحجاب ولا تزيني وجهك بالمكياج ..
والافضل افصلي النساء عن الرجال عشان تاخذي راحتك ممكن في البدايه تضيفيهم وبعدها تنفصلي بنساء في غرفه ثانيه ..
شوفي اختي اذا النقاب يرضيك ويرضي ضميرك وانت مرتاحه فلا تتركيه ومصير الناس الي حواليك تدعود عليك ..
انا بقولك تجربتي مع اخوان زوجي لما كنت اعيش معهم كنت ما البس عبايه وعادي نجلس عند بعض ونتكلم بس طبعا بحجابي لما انتقلت عنهم وجيت ازورهم في البدايه كنت اخلع العبايه وجلس معهم عادي وهذا حالنا اغلب الاسر في مجتمعي وما زالن حريم اخوان زوجي ما يلبسن العبايه في بيت اهل زوجي ..المهم انا من عرفت انه ما يجوز والحمو الموت والصراحه شفت بعض الاعجاب من اخوان زوجي ومقارنتهم بينا احنا حريم اخوانهم قررت اني اجلس بعبايتي معهم ومع مرور الوقت تعودو علي وبلعكس زوجي شجعني وحتى اخوان زوجي شوي شوي ابتعدو صارت بينا رسميه والحين اذا جيت يحترموني وحتى يسلمو من بعيد بدون مصافحه ..والحمدلله اهم شي ارضي ربي مش مهم المجتمع ونظرته لي ..

ماشاء الله تبارك الله الله يثبتك ويزيدك من فضله .. وين الي يدعون الى نزع الحجاب يشوفون تمسسكك فيه الله المستعان صار كشف الوجه امر عادي الا مارحم ربي ...