كيف ابعد اخوي عنها

وبكل فخر نعم سبق حبيت وماتم النصيب وتعلمت وفهمت الحياه وكتبت عن تجربتي بالحياه لمن يعتبر ويهمه يتأمل احوال الناس وظروفهم ويتعلم شي ينفعه بحياته .
اعرف ديني ولله الحمد ولي رب يحاسبني
واذا تشوفين الكلام مع غريب زنا يعني كلامك مع الرجال بالاماكن العامه والمحلات والاسواق زنا ؟ استغفر الله بس من بعض الافكار .
بيننا ناس اذا سمعوا كلمة حب يفسرونها زنا وعلاقة جسديه !!
اذا هذا تعريفكم للحب طبيعي ما تتقبله نفوسكم الحمدلله والشكر الله يعافيكم ولا يبلانا
الاخوات اللي اقتبسو ردي او علقو عليه واتفقوا معاه الله يسعدكم انبسط اذا شفت ناس مثلكم بوسط هذي الردود اشبهكم بشمعه تضوي العتمه وتنور الظلام عشان الكل يشوف الحقيقه مثل ماهي ويستوعبها بدال ما يتخبط .
جد شي يضحك مرسلين بناتهم وعيالهم للغربه والانفتاح يعيشون مثل البشر الحقيقين ويمارسون طبيعتهم البشريه كأنسان واذا حبوا ثم رجعوا قالو عادات وتقاليد .. عادات مين يا ماما ؟!!
الحب ليس حرام .. الحرام هو التلاعب بالبنات والتسليه بالعلاقات اما هذا الرجال يوم حب جاء لباب بيتهم وقال ابيها احبها أي عقل راشد يفترض ما يمنعهم وش ينتظرون وش متوقعين يصير بعد الرفض ؟!!
يكفيكم تاخذون جوله على مواضيع هذا القسم وشوفوا كم زوجه تشتكي بقهر وحزن ان زوجها لازال متعلق بحب قديم لا تكذبون على بعض تقولون زوجوه يعقل زوجوه ينساها والبعيد عن العين بعيد عن القلب كله كلام كذب يسلون انفسهم فيه لان الحب الحقيقي ما ينمسح بسهوله حتى لو تزوج وكتم الموضوع عن الناس راح يبقى بداخله مثل جرح ينزف بكل موقف او ذكرى .
فمن غير المنطق والحكمه ان يتم السعي بمحاولة ابعادهم وافشال زواجهم بدال السعي في تزويجهم والستر عليهم بالحلال كفاكم تزويج الناس اجساد بدون قلوب وارواح اتقوا الله في الناس

سيبيهم في حالهم.

عجيب كلامهم نوع من الزنا .... ايش الدين الجديد هذا؟

عواطف لا تتكلمي من راسك
احنا يحكمنا شرع ودين وهدي الرسول صلى الله عليه وسلم
اجل عادي البنات والرجال يتكلمون مع بعض بدعوى الحب ولا ماشاء الله اربع سنين عادي عندك
اي شرع هذا
حبها ما اختلفنا كان من اول شهر او اقرب فرصة نزل مدينتها و خطبها و تزوجها مو اربع سنين كذا مع بعض والله اعلم وش حصل بينهم
عشان المشاعر اللي تقولي عليها نرفض والاسلام يرفض هذه العلاقات خارج الزواج
صحيح كلامك الحب مو جنس فقط لكن في نفس الوقت جزء كبير من الحب مربوط فيه ولا ماكان الزوجين بعد انتهاء العلاقة تزيد الفه والمحبه و السعادة بينهم.

اختي عواطف: اذا بليتم فاستتروا.
للأسف ترين الابتعاث فرصة لمثل هذه السوالف ولَم تقولي ياتو بعلم يفيد المجتمع.