ابغي ارجع لربي تعبت

الله يكرهني بالاغاني يارب ويحبب لي الصلاة والعبادة

آمين يااااارب

الله يصلح حالنا وحالك كلنا ودنا نلتزم بالاعمال الصالحه


مافي شي بدون تعب تهذيب النفس اصعب شي واعتبريه تحدي لك
ابدي بالتدريج بالصلوات المفروضه صليها بخشوع وواظبي عليها وكل مره احفظي سوره صغيره وعيديها في صلواتك


وبعد فتره رغبي نفسك بالسنن


واذا تبين شي يساعدك على تنظيم حياتك ادخلي مواضيع فيه افكار عن تنظيم الوقت


سوي لك بلانر تفنني فيه ورتبيه تلاقين له صور كثير في النت


رتبيه وحطي لك جدول اسبوعي مثلا في هالجدول تنظيم صلاة تحديد وقت للنت مهاره جديده تتعلمينها من اليوتيوب لين تتقنينها


وكل ماخلصتي اسبوع ابدي اكتبي جدول لأسبوع جديد


النوم فيه الف موضوع عن تنظيمه


وانصحك اذا عندك برامج كثير احذيفها لاتقولين مقدر والله فتره وتتعودين وحاولي كل مره تجلسين ساعه فاضيه بدون جوال اببد لاتمسكينه هالساعه كامله وخذي لك ورقه وقلم اكتبي فيها الامور اللي تحاولين تنظمينها وشوفي كيف يتعدل مزاجك

نصيحه اذا تبين تكرهين الاغاني ضمي الشيلات معها لاتستبدلين هذي بهذي لانهم سوا واذا مانزعتي حب الالحان من قلبك ماكنك سويتي شي لان كلهم الحان الاغاني والشيلات


انا من فتره مبتعده جددا الاغاني والشيلات لكن هذا مايمنع اني والله مرات وانا في اليوتيوب اطيح على اغنيه واجلس اسمعها كذا مره الله يتوب علي

ومع اني مبتعده عن الاغاني بس للحين ماقدرت ابتعد عن الافلام الاجنبيه احبها يعني اتابعها وما اتابع اي شي خليجي وتركي بس الله يكرهني فيها كلها ولازلت اجاهد اني اتركها بس الاغاني والشيلات ابد لا اشغلها في بيتي ولا احملها بجوالي ومستحيل نسمعها بالسياره

والصلاه حببي نفسك فيها خصصي سجادتك وشرشف الصلاه وعطريهم بعطر محبب لك وارجعي مره ثانيه اقرأي عن صفة صلاة النبي كلنا نعرفها لكن كثرة القرأه فيها تحمسك اكثر للخشوع



وكلنا مقصرين عسى الله يغفر لنا

عزيزتي طبيعي جدا تكون ثقيله عليك الصلاه ومجرد حركات بدون شعور لانك ماتعودتي وكل شي بالبدايه صعب لكن من الان اجزمي ان الصلاه الجايه بتكون حلقه وصل بينك وبين ربك وراح تدعين فيها ربي انه يثبتك على الطريق الصحيح توضي زين وصلي وتأملي كل ايه تقولينها كل كلمه تفكري فيها ارفعي صوتك شوي بحيث تسمعين نفسك ترتيلك مجرد صوت خفيف عشان تخشعين وانتي تقرين لما تسجدين ادعي ربي بكل اللي بخاطرك ابكي لله ادعي ان ربي يشرح صدرك ويثبتك صدقيني بعدها بتتحمسين تنتظرين الصلاه الجايه عشان بس تحسين بالشعور اللي راح تحسينه بعد ماتخلصين من الصلاه ، الله يهديك ويشرح صدرك ويرزقك ويدلك ع الخير 💗