كل شي يرخص الا العلم والادب !!
مرحبا اخواتي ..جيت اكمل بياناتها بالمدرسه واكتب مستوى تعليم الام كفاءة جد يابنات تحسفت وندمت اشد الندم اني ماكملت دراستي اشوف المعلمات والمديره والاداريات على مكاتبهم حز بخاطري ليش ضيعت سنين عمري جهل مني تركت دراستي باولى ثانوي بسبب المواصلات مشوار سياره كنت اروح مشي على الاقدام مسافة طويله اطلع بدري ولمااوصل نفسي منقطع من المشي والانصراف الساعه ٢ ونص الظهر او صل على قريب العصر تعب تعب اجبرتني ظروف قاهره ابوي كان متوفي واخواني صغار ولايسوقون وبسبب هالشي تركت دراستي حياه كانت صعبه جدا راحت سنوات من عمري دون دراسه والله ندمت اشد الندم والان يابنات احس استصغار من ذاتي لارحت لاماكن مثل المدرسه وغيرها اشوف الناس المتعلمه حتى الي حولي واحس نفسي جاهله مع اني ولله الحمد والمنه اقرا واكتب واقرا لغة انجليزيه مبتدا اول واعرف اقرا كلمات لغة انجليزيه واسوي باسبورد وحافظه حروف الانجليزيه واحفظ واقرا اولادي بس فيني نقص ان ماعندي شهادات ومتوظفه يعني اقدر اكمل ثانوي وجامعي وهل الجامعه تقبلني وانا على مشارف الاربعين وهل بتكون دراسة الجامعه بفلوس للمتاخرات لالتحاق بها ماتصدقون يوم جيت اسجل لابنتي اتكلم مع موظفة التسجيل بصوت واطي وفيه عدم الثقه واتلخبط بالكلمات واقولها يااستاذه واحيان ياابله مع اني سالت قالوا ذي مش معلمه موظفه بالادارة تخصصها تسجيل البنات صح كلامهم احسبها معلمه وهذا الي صار معايا.. مع ان اخواتي من الاب معلمات ووحده فيهم موجها فمكتب التوجيه واخواني درسوا بامريكا وايطاليا ويشتغلوا بشركة ارامكو بينبع الصناعيه وواحد فيهم معلم قديم وواحد ثاني لواء والحمدلله يوم جيت وكلمتها ابغاها تسجل لبنتي الصغرى بعد شهرين او ثلاث تكمل ٦ سنوات ولاقبلها النظام قلت ياابله سجليها ولارضت بس يوم قلت لها انا اخت زميلتكم الموجها فلااانه والله يااخواتي علطول قالت تعالي الاسبوع الجاي يقبلها النظام دنيا ماتمشي غير بالواسطات ولارحت لها ..حبيت افضفض لكم