التجمع الثامن لمواليد نوفمبر & ديسمبر ٢٠١٧ ❤️❤️ حيّاكم المولى و بيّاكم

ديري بالج على نفسج حبيبتي
الله يتمم عليج التاسع بخير و سلامه يا رب
لا تشتغلين و خلج مرتاحه
كل يوم للبيبي بالتاسع ينفع حيل

سلامتج ما تشوفين شر
حبيبتي الرحم يُبين بالسونار بس مو العادي عند أخصائي السونار انا كانوا بيكشفون علي ورفضت
سويت سونار بين مسكر بس معاي طلق عطوني إبر مثبته و مسكّن استمريت على الإبر أسبوعين و صارت أموري تمام الحمدلله
بالنسبه للقياسات عادي تزيد و تقل أسبوعين اما الماي الزايد ما عندي فكره و الله يتمم حملج على خير يا رب
ونسيت لا أقول اذا جاج تقلص سوي طريقة التنفس شمي وردة حيل حيل حيل نفعت معاي

الله يهونها ويرزقنا الولادة السهلة ويقر عيوننا بشوفة اجنتنا بصحة وعافية

تقريبا اغلب الملابس اخذتها من نكست طلبتها اونلاين
الاوفرولات والبربتوزات الداخلية وقبعات ومفرش
كلها قطن مو شتوية
واخذت من سنتربوينت يمكن قطعتين نفس الشي قطن
ومن مذركير كير اخذت اوفرول مخمل وقبعة شتوية وبطانية شتوية
والمهادات اخذتها من ماماز اند باباز

تقريبا خلصت الاساسيات باقي لبس الاستقبال واغراضي بخليها بعدين

انا شفتها بالانستغرام وحده سعودية مصورتهم حلوين بس جنه كان الافرول ب ٥٠ ريال
و الطقم اللي ثلاث قطع ب اربعه كويتي تقريبا

مشكوره على ردك الله يسهل عليكم وماشاءالله على افاق الله يعطيها العافيه ويحفظ لها جنينها ويقر عينها بشوفته والله البارح افكر فيهم اللي كانو معي كيف كنا من كل الدول زي الخوات ومع بعض ونخفف على بعضوندعي لبعض الله يسعدهم وين ماكانو وان شاءالله نبارك لكم بولادتكم بسلامه