التباشير4 لمواليد سبتمبر وأكتوبر 2017

ما شاء الله تبارك الله احس ولادتك تشبه ولادتي تساهيل من رب العالمين
وزي ما قلتي انا قلت من قبل اتعلموا طريقة الدفع من رولا القطامي تختلف عن طريقة شمي ورده وطفي شمعه
والحمد لله للمره الاولى في حياتي ما اعاني من البواسير زي كل ولاده
العاده البواسير تتعبني اكثر من الخياطه نفسها

الحمد لله بخير حبيبتي

انتي كيفك حبيبة

سلام بنات
كيفكم؟؟ وحشتوني من زمان ماشيكت ع التجمع
ادعولي باقيلي يومين تخلص التاسع ولسى ماولدت مره تعبت من الطلق الكاذب ومن الثقل ادعولي ربي يسهل ولادتي ويعجل بها

الله يسلمكم جميعا
و ربي يبارك للي ولدوا و يسهل على الباقين و يفرحهم بشوفة اجنتهم بصحه و سلامه


اكشن الولاده حقي سريع
رحت موعد متابعه عادي يوم الثلاثاء و الحمد لله كل شي كان سليم بس قلت لها ان حركة البيبي قلت عن اول و دخلتني تنويم يتطمنون
وانا بصراحه وقتها طفشت من الحمل لي ٣ ايام من دخلت الاسبوع الاربعين و متحمسه اشوف بنوتتي


سوت لي تحريض الاربعاء الصباح و قالت ننتظر يجي طلق طبيعي ..
وانتظروا الى الساعه ٢ الظهر و الرحم انفتح ١و نص ومافي الم يذكر مثل الدوره واقل


قالت بنعطيك محفز للطلق ( مثل ابرة الدواء تفرغها داخل المهبل )
و بدأ الطلق بعدها بالتدريج وكل شوي يزيد .. و انا طبعي في كل ولاداتي طلقي حااااار مره
تأملت هالمره يختلف لانها بنوته بس ما تغير شي 💔
الساعه ٥ العصر كان الرحم مفتوح ٣ ونص بس الطلق حاااار ومتقارب دخلوني قسم الولاده و طلبت منهم ابرة الظهر
قالت بنعطيك مسكن في العضل و كمام ( بالنسبه لي ما كان لهم اي تأثير ولا خففوا الالم ابدا) على ما نخلص التحليل الخاص بالابره


بس طولوا في محاولة سحب الدم ومع حرارة الطلق ما قدرت اثبت يدي
( طول عمري يتعبون الممرضات معي اذا عندي تحليل .. كلهم يقولون عروقي صغيره و متعوده تجي اكثر من ممرضه تجرب تسحب دم واكثرهم خبره هي اللي تقدر بعد محاولات )
قبل يخلصون التحليل وصل الرحم ٨ سم
وانفتح كيس المويه من نفسه وبديت احس بالدفع
وركبت لي قسطره لتفريغ المثانه عشان ينزل الراس اسرع
و بعد كم دفعه متعبه (بدون قص للعجان مع اني كنت اترجاهم يوسعون وقتها) طلعت بنوتي الساعه ٦ و ٥٠ دقيقه و وزنها ٣ كيلو ما شاء الله
والحين اقول الحمد لله ما وسعت لي ولا احتجت لخياطه يارب لك الحمد
ولادتي كانت في مستشفى قوى الامن بالدمام
وما اخترنا للبنوته اسم للحين هههههه
وعقبالكم ان شاء الله ربي يفرحكم بسلامتكم و سلامة اجنتكم