شاركي في النقاش

سجلي الدخول لإضافة تعليق.

التعليقات

9,185
  1. @shykhalzyn_1

    ريم//
    رحت الموعد المحدد وفي الانتظار وشفت فتاتين يتكلمون مع بعض و تنصحها استأذنت منهم وقلت انا ابي اسوي العملية ليش ما تنصحينا ؟ قالت انا سويتها ولا استفدت منه وجابت لي اضرار كثيرة في المعدة وانا الحين اراجع على هالاعراض اللي جاتني كنت بصحة وعاف…
    هلا والله بنات..
    اخباركم؟؟
    الكيكه لج وحشششششششششششه والله ..
    نورتينا اهلا وسهلا..
    النيه الصافيه مشكوره على الدعوه الحلوه ..
    ريم اهلا وسهلا بالرباطه ..
    الثلاثينيه وعسووووول وطيف وغنوووجه وليلو..
    يالله همتكم بالريجيم.. لا تصيرون مثلي.. :)
    توتا ياحبي لج مبروووووووووووووووووك على هالخبر.. وياحليلج انتي مثلي كنت اعاند نفسي عشان الوزن .. بس انا للحين ما شلت الربط ووزني قاعد يزيد الله يستر لو اشيله وش بيصير.. :)
    بس نصيحه لا تزيدين وايد ترا هالوزن ما يتلحلح بسرعه ..
  2. ريم

    عااادي وسعي صدرك كلنا ننحف ونزيد اهم شي النفسيه
    احنا تعبنا والباقي على الله

    (اللهم هاذا الجهد وعليك المتكل)

    توتا البنوتا
    الحمد لله اخيرا اقتنع دكتورك بس تكفين لاترجعين الكيلوات الي نزلتيها

    الكيكه
    حتى انا التمر يسوي لي مأساة

    حبة تمره تموتني ما ادري ليش تعلق وحتى المويه بعدها ما اقدر اشرب




    بنااااااااااااااات وش اخباركم مع ملابس العيد ؟؟؟؟؟؟؟؟؟؟؟؟؟؟؟؟؟؟؟؟ (سؤال ماله داعي)
  3. النية الصافية
    السلام عليكم بنات محد سامع عن هالاحبوب الي كتبت اسمها بمشاركة سابقة
    السلام عليكم يا احلى متحزمات تولهت عليكم واااااااااااااايد بس تعرفون رمضان ما فيه وقت بالمره

    اخباري انا كلها تمام بس ما شفت وزني لسه ما اعرف لييييييييش الخوف اني متاكده انه ان شاء الله نازل لان قياساتي غيييير و كل الي يشوفني يسالني عن السر و انا وحليلي اقول لهم ما اسوي شي..... :30: لعانه.
    مازلت مرابطه ابدا الفطور بكاسة ماي و حبتين فيتوشيب و بعد الصلاة انطر ل 15 او 20 دقيقه و بعدها اكل خفيف املى نص الصحن سلطه طبعا و النص الثاني حسب الموجود يمكن هريس ملعقتين و الا عيش نفس الكميه و احس اني شبعانه و الحمد لله.
    من كم يوم كسلت ما رحت امشي بس هذا الفصعون اخوي يظل يغايضني الين ما اطلع امشي ويييي الا اركض معاه ..... بصراحه احس نزول وزنه هو دافع لي علشان ابذل مجهود اكبر تحدي يعني. يلا الحمد لله و الشكر رح اوافيكم بالمستجدات ان شاء الله.
    بنات نصيحه الي ما تسوي رياضه هذي فرصه برمضان صلوا تراويح 20 ركعه و رح تشوفوا حرق السعرات عدل و بفضل هذي العباده يرضى عنكن رب العباد و ينحفكم بس النيه لازم تكون العباده بالاول.

    ليلو : على راحتك اي اسم تبينه بس يكون دايت :hahaha: بالنسبه للمشي نصيحه يبيله تشجيع شوفي حد مستعد و امشي معاه بعد فتره بتتعودين و ما رح تحتاجين احد معاش.

    الثلاثينيه : يارب اوصل للرقمين مليت الثلاث ارقام... انا كنت مثلك بالضبط بس هذى المرة ما اعرف شو السالفه خايفه. حبيبتي لازم رياضه انتي اشتري دمبلز و كلما شفتي نفسك فاضيه على الماشي سوي تمارين لان الاذرع هي الطامه الكبرى الثانيه اما الاولى ( الكرش) ما اعرف لها حل غير تمارين البطن و المساج. اذا انتي عميده عيال انا وش رتبتي ضابط و الا ملازم و الا اقول لش احسن مباحث :22:. تعالي هل تحسين بالبرد انا ما اعرف صرت ما اتحمل المكيف اقول يمكن من الفيتوشيب و البارحه حسيت دوخه خفيفه فحصت ع السكر و الضغط طلع عندي اوكي هل حصل هذا معك ابغى اتطمن لان السبب الثاني في بالي هو الارهاق. انا معك بالنظام بس ان شاء الله بعد رمضان.

    بنت جده : الف الف الف مبروك ان شاء الله بدايه خييير و يارب توصلين للوزن الي في بالك بس هاااااا لازم تكونين مؤدبه و ما تزيدين.
    انا ما اعرف وش فيهم هل الجامعات و المدارس ذابحييين الطلاب امتحانات برمضان كان ما حلى لهم الا في هذي الايام. يحليله يجي الطالب مرهق من الدوام و يقعد يدرس لين تطلع عينه و ما يقدر يجيب درجات زينه. حتى اختي من المستوى المتفوق +A بعد امتحانات رمضان صارت مستوى عادي -B

    النيه : شو هل الكلام حلووووووووو حرام عليش. انتي كل الي تسوينه اوكي ما عدا الحلو. انتي اذا تبطلين الحلا رح ينزل وزنك لانك تبذلي مجهود كبير. ليش ما تشترين الحلويات مال مرضى السكر او الريجيم لان فيها سعرات اقل من الحلويات العاديه يمكن يتلحلح الوزن شوي. آآآآآآآآمين يا رب على هذا الدعاء الحلو عسى الله يستجاب لنا.
    بالنسبه للحبوب الي تسالي عنها من عيوني شوفي هذا الرابط http://forum.hawaaworld.com/showthread.php?t=635451&highlight=actrim2
    و هذا الموقع : http://www.naturalhealthlines.com/arabic/index.htm


    ريم : حياش الله ....... البيت بيتش و حنا خواتش.....نعم الربط مش حل سحري و الدكتور الزين رح يقول هذا الكلام قبل ما يوافق يسوي العمليه. الربط مجرد وسيله و بدايه المشوار و الباقي علينا. بصراحه قصتك فرحتني لان اولا نزلتي و ثانيا عرفتي تتحكمين بكميه اكلك و هذا شي طيب هل كنتي تقدرين تسويه بدون الربط. صح انا معاك و الله يعينك على الالام بس بالاخر جاب نتيجه صح و الا انا غلطانه. طيب الحين انتي وصلتي الوزن المناسب لك و الا مازلتي تحاربين السمن الله يعينك و يعيننا عليه؟؟؟

    الكيكه : لا حبيبتي تهني بالمقالي لاني بعد رمضان ناويه اراقبك ( شف دازه ويهها بالغصب ) انتي و توته و ان شاء الله كلنا ننحف بصحه و عافيه بدون كلكعة الترهل. التمر انا ما اقدر عليه اول الفطور لان ريقي يكون ناشف جدا و احس مثلك انه يلزق في البلعوم فاكل حبتين بعد الفطور و عادي. طيب شو عن السلطه تراها مهمه بعد ليش ما تجربين. انتي التزمي بنظام غذائي اذا ما نزل وزنك ذيك الساعه ضوقي اعتقد احسن.

    توته : وييييي مرة ثانيه يا ربي انا بس اتذكر الالم شعر جسمي يوقف و انتي تبين تسويها مرة ثانيه قوييييييييييه مرة. يلا بالتوفيق و تقومين بالسلامه ان شاء الله. هممم تمتنين ما اعرف قلبش يطاوعك.

    شيخة الزين : تسلمي يالغاليه مازلنا مثابرين و بعون الله تعالى كلننا ننحف خلاص ملينا من المتن.

    حيا الله ست الغنج و الدلال وينش تولهنا عليش عسى كل شي تمام و الوزن في تنازل. ما رح تصدقين قبل يومين رحنا نتشرى للعيد طاح عيني على بنطلون جنس و ظلت اختي تحن على علشان اجربه و انا اقو لها لا ما رح يجي على. يوم جربته :eek: دخل و كان واااااااسع بعد سبحان الله كنت فاكره ان قدري اشوف الجنز من بعيد بس. الحمد لله و الشكر....... خبرينا شو احوال الجامعه و الكلاسات و اهم شي المعنويات.


    بنات آسفه اني طولت بس يوم ادخل احب ارد على كل بنوته لان كلكم عزيزات علي.

    تشجعوا و صبروا على مغريات رمضان.

    لا تنسوني من صالح الدعاء و النحف على صحه و عافيه في هذي العشر الاواخر.