ارمله حزينه

الله يرحمه انتي زوجه وفيه
الحين اشوف الارملات من بعد الدفن ضحك وسوالف ورسايل بالواتس نكت
احترام الميت واجب خاصه الزوج

انت القديمة ولا وحدة جديدة 😢

يا بنات اذكروا الله ما خلقنا للدنيا ما خلقنا لها اللي ماتوا الله يرحمهم وحنا بنلحقهم الله يحسن الختام ... لا ملجأ ولا منجأ منه إلا إليه .. تذكري قول الرسول صلى الله عليه وسلم إنما مثلي ومثل الدنيا كمثل راكب استظل بظل شجره فراح وتركها
حبيبتي الغاليه الله يرحم زوجك ويصبرك ويحسن خاتمتك خذي مني هالنصيحتين الله ينفعك فيها وبنات المسلمين اجمعين
١- افتحي اليوتيوب واسمعي محاضرة ( كشف الكربه عند فقد الاحبه ) للشيخ على القرني .. المحاضره تعزيه ومواساه من الشيخ لكل فاقد والله انها تجبر القلب الله يجزاه خير .. لااازم تسمعينها


٢- حزنك مايجيره الا ربك والقران كلام ربك والله والله من يعيش مع القران انه مايغيب عن عقله انها دنيا فاااانيه ومايغيب عن عقله ان الاخره خير وابقى .. تفكيره الصحيح عن الحياه الدنيا وما نحن ذاهبون اليه بيساعدك وحنا بوقت ديننا بسيط قليل اللي تلقينها على قد من الدين فأنصحك سجلي بدار تحفيظ وابدائي معاهم حفظ القران وخلي هدفك انك تحفظين القران هالهدف السامي بيعيد لك حياتك مهما انكسرتي فيها ربي يجبرك و دخولك للدار بيجمعك مع اهل دين وخير وصلاح حديث((
((عَنْ أَبِي هُرَيْرَةَ قَالَ قَالَ رَسُولُ اللَّهِ صَلَّى اللَّهم عَلَيْهِ وَسَلَّمَ ...مَا اجْتَمَعَ قَوْمٌ فِي بَيْتٍ مِنْ بُيُوتِ اللَّهِ يَتْلُونَ كِتَابَ اللَّهِ وَيَتَدَارَسُونَهُ بَيْنَهُمْ إِلَّا نَزَلَتْ عَلَيْهِمُ السَّكِينَةُ وَغَشِيَتْهُمُ الرَّحْمَةُ وَحَفَّتْهُمُ الْمَلَائِكَةُ وَذَكَرَهُمُ اللَّهُ فِيمَنْ عِنْدَهُ ..... ))
(صحيح مسلم)
انتي محتاجه هذي السكينه والرحمه تلقينها بدور القران .. وبعد فتره من دخولك الدار اذا حسيتي ان هدف حفظ القران صار سامي عندك ويجري في عروقك هنا اقولك ممكن تتركي الدار اذا يصعب عليك الدوام واكملي بحلقات عن طريق الجوال لين تصلين هدفك بعدها صدقيني يا غاليه راح تخرجين انسانه ثااااااااانيه ثقي بكلامي .. هذي تجاره لن تبوووور كما قال الله في سورة فاطر إِنَّ الَّذِينَ يَتْلُونَ كِتَابَ اللَّهِ وَأَقَامُوا الصَّلَاةَ وَأَنفَقُوا مِمَّا رَزَقْنَاهُمْ سِرًّا وَعَلَانِيَةً يَرْجُونَ تِجَارَةً لَّن تَبُورَ (29)
لن تخرجي بخساره يا غاليه صدقيني

وكمان فيه كتاب جدا ممتاز اسمه استشعر الخوف وافعلها على اية حال .. جميل لو قراءتيه تحتاجين قراءة كتب مثله


اسال الله العلي العظيم الذي قدر عليك هذا اساله جل في علاه ان يجبر قلبك و يذهب حزنك ويبدله رضا وسعاده انه سميع مجيب الدعاء


(( ومثلك كثير واعرفهم والله يوم اشوفهم يضحكون وعايشين حياتهم كما كانت اقول الحمدلله جابر القلوب عادت البسمه لهم وعايشين ومبسوووطين زيهم زي غيرهم .. هوني عليك يا حبيبتي الله ماخلق خلق وضيعه بس ثقي بالله


سبحانك اللهم وبحمدك أشهد أن لا إله إلا انت أستغفرك وأتوب إليك

صاحبة الموضوع الله يربط على قلبك ويهون عليك
بنت عمي ارملة من اربع سنوات وللحين الحزن بوجهها بس ابدا ما تبين ولا تشتكي كاتمه بقلبها الله يعوضها
وللعلم صغيره عمرها ٢٥
لكن المؤمن مبتلى وتقدرين تتجاوزين المك بس يبيلك فترة زمن والوقت كفيل انه يطبطب على قلبك
اهم شي لا تجلسين بفراغ ابدا اشتغلي بأي شي وادعي له كل ليلة وادعي لنفسك وعيشوا حياة الدعاء مع بعض صدقيني رح تتأقلمي وتكيفي الظروف لصالحك

الله يلهمكم الصبر والسلوان ويرحم ميتكم ويسكنه فسيح جناته وموتى المسلمين هو يبغالك وقت الين تتناسين وتتعايشين مع الحياه بدونه الله يصبركم ويكون في عونكم لاتنسونه وموتى المسلمين من دعواتكم