التجمع الثاني لحوامل مارس وابريل ٢٠١٨ <3

حبيبتي مرجانه اولا لابد تتقبلين وضع بنتك الحالي ولاتقارنينها بأي طفل ولا تقارنينها بوضعها اول حتى عند احد لان الطفل يمر بمواقف تغير منه و مشكلة بنتك جداً بسيطة لايضيق صدرك بنتك مافيها تأتأة اللي هي ترديد الحروف فيها تشتت وتردد وهالشيء من ضغط الاقران عليها والخوف منهم وبما انها تردد اول كلمة بعدين يكون نطقها عادي وضعها طبيعي ومع الوقت والتشجيع والثقه بالنفس والثناء عليها واحساسها بالامان تتحسن وتنقطع منها هالحاله وشي جميل جدا انك دخلتيها روضه والافضل ماتعلمين معلمتها بحالتها ولا تتعاملين معها على اساس ان عندها مشكله لان الطفل ذكي وينتبه وهالشي مايساعدها بالتحسن وكل يوم خليها تسولف عليك اسأليها عن الروضه وش سوت وش اسماء صديقاتها معلماتها كل يوم خلي بينك وبينها سوالف والاقران اللي كانوا يضربونها خليها تقابلهم عادي خليها تواجه الخوف اللي بداخلها وتتغلب عليه وامدحيها قدامهم ولاتسمحين لاحد يضربها قولي لهم الضرب ممنوع بصوت عالي عشان يهابون منك وبالنسبه للوحش والخوف طبيعي بعمرها لانهم خوفوها وصارت تعيش بخيالها ان فيه وحش اذا قالت لك كذا خذيها بيدها ودوري بها بالبيت وهو ظلام وقولي انا ما اخاف وانتي مثلي قويه ماتخافين والوحش مايجي الاطفال الاقوياء لانك مستحيل تنزعين منها هالفكره اللي زرعوها وصدقتها تماما لذلك خليها تواجهها وتقاومها بالقوة والثقه واضيف على ذلك نمي مهاراتها بالتلوين والرسم واللعب بالصلصال والرمل له فوائد رائعه للطفل ختاما اتمنى اني افدتك وانا سبق وعانيت مع بنتي نفس هالحاله والحمدلله الان هي منطلقه وتتحدث بثقه وسامحيني على الاطاله

الله يطمن قلبك ويرزقك ماتتمنين اتمنى القى حاله شبيهه لبنتي وتشافت والله احاول قدمااقدر اني اتكلم معهابس ابوهاعصبي يعصب عليهاويهاوشهاواخاف ماتتحسن مع العصبيه

والله عيال اختي الله لايوريك يغارون منهاويكرهونهايقلون مدلعه وضرب فيهاهي بس من كل العيال البيت ماشاءالله حتى اخوهامايضربونه بس هي من عمرهاسنه ونص عطيتهم هدايا وتكلمت معهم الايضربونها والله كرهت مقابلتهم بس ماابيهاتقابلهم الحين لين اشوف شخصيتهاتحسنت وبعدين بخليهاتقابلهم بس شوي عشان مايمدي يضربونها

وديتهادكتور يقول مافيهاشي لسانهامومربوط ووديتهادكتور متخصص ف النطق وقال طبيعيه بس بشوف تخصص تخاطب واشوف يمكن الضرب والكره الي شافته منهم اثرعليها

نفس بنتي بالتمام تعيد تعيد بالكلمة نفسها وبعدين تكمل الكلام ومو دايم احيانا وفعلا كانت طبيعيه جاتها الحاله بعد الروضة والحين ثاني ابتدائي