السماح لقيادة المرأة // استوفى الردود

مبروووووووووووك فرحتلكم
ما ضاع حق وراءه مطالب

الله يخلي لج ريلج و أخوانج و محارمج كلهم يا رب

تظلين أميرة وملكة معززة مكرمة



بس في فئة ما عندها ريل ولا اخوان و لا محارم
يموتون مكانهم
ولا كل طلعة يطلبون لهم تاكسي


من فترة وحدة منزلة موضوع ولدها مات بين إيدها لأن ريلها مانعها تركب مع سواق
و وحدة اقول مطلقة بدون أخون ولا خوات شافت الذل بأشكاله عشان مشوار بقالة ولا مستشفى


حبيبتي والله إللي براسها منكر مو محتاجة رخصة عشان تسوق
و إللي تبي الستر تعرف كيف تستر نفسها

انا ما راح أنتظر الرخصة عشان أختلط ولا أتمكيج ولا أدشر
أغلب الأماكن صار فيها إختلاط و منكر و مكياج
مافيهم واززع ديني ولا خوف من رب العالمين
وما اتوقع أصلا يفرق وياهم طلعو مع سواق ولا غيره
تاركين لهم الحبل ع الغارب
بس في فئة للحين متمسكة بحجابها و بحشمتها
ما تححب تركب مع سواق
و
يعني الموضوع بدال ما نحارب سواقة المرأة
نحاول نرفع الوازع الديني لدى الفئة هاي
مو نعاقب الباقين بذنب هم ما ارتكبوه

السلام عليكم اخواتي
القرار وصدر الباقي عليك تتقين الله في اخواتك
انا من الناس الي فرحت بالقرار وكنت متأكده من صدورة لان الناس توعت وفهمت ان القيادة بحد ذاتها مافيها تحريم ولانص الحرمه الاكيده هي الخلوه بالغريب وفيها نص ماخلا رجل بامراءة الا كان الشيطان ثالثهما
الي حصل قبل إنا غلبنا التقاليد على الدين عادي تركب باوبر والا كريم مع سعودي بلحالها بس لاتسوق وعادي يستقدمون سواق ويروح ويجي فيهم ويسمع سواليفهم وضحكهم بس لاتسوق
الي حصل الآن تصحيح للوضع الدين اولا وهو عدم الخلوه ولا للتقاليد الي ضد الدين


وهالقرار صدر بعد دراسه للوضع الاقتصادي والاجتماعي المراءة الآن طالعه طالعه لجامعتها لوظيفتها لدراستها فكيف تطلع !
الاستر والآمن لها بسيارتها
بالدين مافيه مانع شرعي وكلنا عارفين هالامر ودايم نردد مجتعنا له خصوصيه الآن هيئه كبار العلماء اقرت القيادة وان من حق ولي الامر اقرار ماهو للصالح العام
الي يربط هالموضوع بالفساد ليه دينا هش لهالدرجه ترا المراءة هي الام والزوجه والاخت هل هي غبيه وساذجه وسهل استدراجها بسهوله حتى تخلع حجابها وتترك عفتها
هل شبابنا وسخين لهالدرجه
ركبوا البنات معهم باوبر هل تم اغتصابهم
طبعا ركوبهم حرام لكن عدا الامر وتعودوا الناس فكيف بالحلال
هل نرفض الحلال ونتمسك بالحرام
الامر أقر واصبح قرار سيادي وهو ليس اجباري
فلا تجعلي لسانك سياط تجلدين بها اخواتك الي يسوقون وتتهمينهم بدينهم وشرفهم
عليك نفسك فالامر شرعي وقانوني
واكبر مثال الامارات
بلد فيه انواع من الفتن ونساء متبرجات من كل شكل ولون ومع ذلك الفتاة الاماراتيه متمسكه بعباتها وحشمتها واخلاقها والشاب الاماراتي ماتسمعين منه العيبه
التربيه هي الاساس ربوا عيالكم على الخوف من الله وغض البصر واحترام بعض ومحد بيشتكي
سقت برا بحجابي وحشمتي والامر عادي مجرد وسيلة مواصلات والله لاتخاصمت مع زوجي عشانها ولارجعت آخر الليل ولاضعت ولاخاويت والدنيا عندهم زحمه والبشر انواع وياربي لك الحمد اقضي مشواري وارجع
ومو لازم اكون ارمله ولامطلقه ولامقطوعه عشان اسوق هو حق اجتماعي وانساني اخلص مشاويري وارجع واذا باضطر اتعامل مع رجل امن اووو فلانلعب على بعض احنا نتعامل مع سواقين وبياعين واطباء
واذا خربت السيارة فنفس وضع العيال محد منهم انبطح تحت السيارة دقي على شركه تجي بالحال وتصلحها واكيد فيه قرارات قادمه للنقل وتنظيم هالامور
وحطي ببالك ان الناس يختلفون فيه حريم تخاف وماتحب تطلع ولاتروح مكان الا مع رجل وفيه العكس تحب تطلع مع عيالها وخواتها فكلن حسب طبعه
والي خايفين من السكرانيين والمحششين ذول لهم جوهم يدورون نوعيه معينه ترقص لهم وتضبطهم ماعمرنا شفناهم يدرعمون على الحريم بالشوارع وان حصل فحالات نادرة
اما المتحرشين فجبناء اكثر مايتحرشون بالي تخاف اما الي تتفل عليه فيهرب منها وبالعكس بسيارتي اقدر اهج اسهل من لو اني امشي واتوقع صدور قرارات قادمه تأدبهم
اخيرا اقول السواقه امر طبيعي وانساني
العله مو فيها العلة بالتربيه والتفكير وربطها بالفساد
ماتبي تسوقي براحتك بس لاتشتمينا وتنقصي فينا لانه نخاف على حسناتك تطير
وترا كلها فترة والوضع يصير عادي زي الجوال اول كان مصيبه الحين مافيه بنت ماعندها مع انه تقدر من خلاله تتواصل مع رجال وتصور وترسل لكن الحافظ ربي والناس فيها خير ودين

سلمت يمينك 👌👏


كلام درررر

لا حول ولا قوة إلا بالله
للآن تتناقشوا مع أو ضد ! هو قرار ونزل مو إستفتاء
وبعدين القرار مش إلزامي ولا انتوا مجبرين عليه واذا مانفذتوه فيه عقوبه .. حرررية شخصية حابه تسوقي كان بها مو حابه شي راجع لك
بعدين فيه غيرنا منتظر من زماااان اللحظة ذي .. اذا انت عندك محرم زوج اخ اب سواق قولي الحمدلله غيرك محروم منها ، تكون أرملة أو يتيمة وأطفالها صغار وماعندها اللي يوديها مشاويرها .. بالله م مرت عليكم لحظة كنت محتاجة فيها مشوار مهم لاحظي مهم مو شي ثانوي تمشية وسوق وسهرة عند صاحبتك وطلبتي أحد يوديك وكل واحد يرميك ع الثاني ويتعذروا بإنشغالهم أو خليها بكرة وبعده وقلت ف نفسك الله لا يحوجني لكم !! والله أعرف ناس حتى مواعيدها المهمة ف المستشفيات ماعندها أحد يوديها أو تبغى البنك أو بتمر مدارس أطفالها وتجيبهم أو أو ..