ملف افكار وإبتكارات لإحتفالات العيد

رائع اختي شوشو مشاكل <<<<<<<<< هههههههه اسمك غريب .

كملي كملي حنا نبغى تفصيلللللللللللللل الحفل فقره فقره والله حتى افكرك حلوه وجديده تكفين كملي بس فصلي .

مشكورين خواتي قسمة خير والمشتاقة الى الجنة ماطلبتو شي انا بالخدمه
وكل العوه تبادل خبرات وافكار وحتى انا ادور الجديد لاني المسئولة عن حفلة العيد كل سنة
وهي تراها قطة كل بيت يدفع على حسب عياله انا وش بابدي عليهم
الصغار مرة 25 حق الهديه بس لانهم ماراح ياكلون ولا يشربون ومن عمر 6 سنوات وفوق على 100ريال لانهم لهم كيك عصير وهدايا ومسابقلت وكذا
والحريم على 25 حق العصير والكيك وهدايا خفيفة

بالنسبة للديكور متعاملة مع بوابة المناسبات مررة شغلهم رهيب وعلى الموعد احجز عنده يوم 25 26 واتفق معه على الديكورات مرة سوالي مهرج كبير بالباون ومرة اقواس على المداخل هو عنده كتالوج وفيه افكار حلوة شوفو اللي يناسبكم واسعاره متوسطة بس انا احط على خفيف لانه برى في الحوش مكان لعبهم علشان مايوسخون جوا البيت بالبخاخات والعصاير والشبسات ومالى ذلك
والبالونات المعلقه على المظلة سواها لي ويجيني من يعلنون العيد بعد صلاة العشاء يزين الديكور ويروح

وبالنسبة للطاولات نفس الحكاية احجزها من بدري لاني سنه من السنوات توهقت مالقيت لاني طلبتها ليلة العيد اطلبها بدون مفرش وانا اشتري المفارش من السويلم حقت الاطفال
وطاولة الحريم تكون جو بس بمفارشها احلى يكون عليها الضيافة وهدايا صغار تذكاريه وكيك وحلى وزمازمهم وكل شي والاعم خليته يسوي لي البالونات اللي بالهيليوم خمس وخليتها بالنص طلعت الطاولة حلوة هذي للحريم

اممممم وش بعد واول مايجتمعون اوزع عليهم كراتين صغار اللي بالدرزن عند السويلم كل كرتون فيه بخاخ خيوط وقبعه وزمار وصفيرة من الكرتون اللي يجي فيه كل شب 10 حبات اخذ 3كراتين او اربعه
ارخص واوزعها على الكراتين مع البخاخات وشي اسطواني يفكونه يطلع منه خيوط لماعه برضو ينباع مثل البخاخات بالدرزن في السويلم

واشتري 3 درازن اكياس بلاستيك الخفيفه يكون عليها رسمات عاشان لما يفقعون البالون مير الاولاد يحطون ثيابهم علشان ياخذون اكثر وطبعا يفقعونها مع تصفيق وتشجيع من يجمع اكثر عاد اللي يضحك مبسوط واللي يصيح ليش انه ما اخذ شي

اقول تعبت شوي واكمل

أحنا كل سنه نسوي كيكه كبيره ونصور كل عيال العيله ونحطهم فيها..وهالسنه بتكون احلى كيكه لان ولدي انضم لهم توه عمره شهرين ونص..
وشرينا محافظ صغيره داخلها صورة كل طفل وعيديه جمعناها من كل الأهل قبل العيد وصرفناهم خمسااات خمسااات وحطيناهم في المحافظ..الصراحه مغري شكلها..
وطبعا بالونات وزينه بنسوي ..

هلا بنات انا رحت للخريجي للحلويات حصلت عندهم افكارمررررة روعه
اشكال كثيرة واسعار مختلفه
بصرااااحه ريحني كثير
حبيت اشارك معكم وكل عاااااام وانتم بخيرررررررر