عفوا أختي .!!
من قالك ان اللي تسوق سيارة ما تفكر بالقبر والاخرة !!
أنا أول مرة في حياتي أركب سيارة تسوقها حرمة كانت سيارة مدرسة التربية الاسلامية اللي هي الحين واعظة في هيئة الاوقاف بأبوظبي اسمها اعتدال الشامسي ودوري اسمها في قوقل انسانة لا أزكيها على الله دين وفقه وقرآن .. جعلها ربي من سيدات الجنة ..
هذي الانسانة كانت مدرستي للتربية الاسلامية والقرآن وهي أول من ركبت معها في سيارتها وأنا كنت طالبة ثانوي ..
كلامك يدل على عقل غير مستنير للأسف .. لأن سائقات التكاسي وسيارات التوصيل فقط لتوصيل النساء والاطفال .. خذي جولة على الانترنت وشوفي ما يسمى التاكسي الوردي .. حتى في أمريكا موجود ويوصل نساء فقط .. طبعا موجود عندنا في الامارات والسائقات فلبينيات أو آسيويات ..
تعتقدين سهلة حرمة تركب رجال معاها !! فيه قوانين وانظمة ..
وعن قصة الحادث .. لما كنت أريد أطلع رخصة أبوي الله يرحمه كان يقول أخاف تسوين حادث .. وبعد الحاح طلع لي الرخصة واشتريت السيارة .. وصادف انه كان موجود وقال اوصلك انا الدوام اليوم .. وطلعنا مع بعض عملنا حادث الله يرحمه توفى في الحادث .,. هو اللي كان يسوق .. وهو رخصته عمرها فوق 20 سنة .. وأنا لي 14 سنة أسوق الحين .. الحمد لله ما سويت حوادث .. اقصى شيء سويته كان في بدايات سواقتي ما كنت أعرف أضبط الوقوف الخلفي للسيارة وكنت ما أضبط سرعة السيارة على المطبات .. وابوي قبل لا يتوفى دربني والحمد لله ضبط عندي ..
السماح لقيادة المرأة // استوفى الردود
متابعة النقاش، صفحة 68