مشكلة الامراض الوراثيه !!

صحيح عزيزتي نفس الكلام قالولي ٢٥ بالميه مصاب ٧٥ بالميه سليمه ولله اني متوكله على الله بس الشيطان مايخليني يوسوسلي دايم ، انا حصلت لي التشوهات مره مع انثى ومره مع ذكر بس قالو مشاكل الكلى تكثر عند الذكور الله يتمم لك ولي على خير ويقر عيننا بشوفة اولادنا اصحاء كاملين الخلقه لازياده ولانقصان ولله اني ارتااااااح جدا لما اقرا ردودكم تعطيني طاقه ايجابيه لان الدكاتره يحطمون وماعندهم تفائل اشكركم جميعا بنات حواء على ردودكم الله يعطيكم حتى يرضيكم ولله يرزقك بالذكر الصالح المعافى اختي umu aisha ويسهل حملك وولادتك اشكرك ع التواجد

ياهلا ولله بحنان بشري عنك كيف حالك قربت ولادتك الله يسهل عليك ويجعلها بردا وسلاما ويقر عينك بشوفة ولدك ويحفظه لك ، الله يبارك فيك حبيبتي كلامك ولله صحيح الحمدلله على كل ماهو من الله راضين بكتبته الله يكتب لي ولك كل مافيه خير لنا الله يرضا عليك مشكووووووره دايما تدعميني بكلامك الطيب ولله من طيب اصلك لاتنسين تبشرينا بولادتك 🌹❤️💝

هلا أختي أنا نفس الشي معايا ولد وبنت سليمين و٨ إسقاطات واحد بالشهر الخامس وقف النبض بس انه كان فيه تشوهات خلقيه من ماء فالرأس والعمود الفقري آخره فتاق وكليتيه مريضه والبنت فالسابع جتني ولاده بس هي نفس أخوها كانت مريضه زيادة عليه تصلب فالأطراف كانوا يقولوا لي انها مابتمشي وكانت اصغر من عمرها يعني لو أنا فالأسبوع ال٢٨ السونار يعطيها الأسبوع ٢٤ وماتت بعد الولاده والحمدلله على كل حال صح شيء مؤلم بس ان الله ينزل الصبر والسكينة بس في نفسي طفل وما فقده الأمل .
والإسقاطات الثانية ماكانوا يكملوا ال١٢ أسبوع أنا وزوجي نقرب لبعض أمه تكون عمتي أخت أبوي .. سوينا فحص الجينات طلعت حامله لجين اسمه fanconi anemia وزوجي نفس الشي حامل نفس الجين وهذا الجين يسبب أورام سرطانية أو لوكيميا الدم والحين حامل في الأسبوع ال١٨ والإحتمال ٢٥٪‏ الجنين يكون حامل للمرض بس عندي أمل بالله كبيير انه يرحمنا ويكون الجنين بصحه وعافيه و قبل أسبوعين سويت فحص دم طلع احتمال الجنين مصاب بمتلازمة داون(طفل منغولي) وسويت فحص السائل الأمنيوسي علشان أتأكد ٩٩٪‏ إذا الجنين سليم أو مصاب لأنهم قالوا لي ان فحص الدم مرات يخطيء والنتيجة ان شاء الله آخر هذا الأسبوع .. لاتفقدي الأمل بالله وياارب يكونوا أجنتنا بصحه وعافيه ويتمم حملنا على خير.

لاحول ولاقوة الا بالله ٨ 😞 الله يعوض عليك ويخلف عليك بالذريه الصالحه يااااااارب ياذا الاسم الاعظم والوجه الاكرم والعطية الجزلى ارزق اختي sara** بالولد الصالح المعافى وقر عينها برؤيته سليم كامل الخلقه وحسن الخلق من غير زياده ولانقصان انك لايعجزك شئ اللهم ارحم ضعفها وقلة حيلتها ولاتحملها مالا طاقت لها به واكرمها عاجلا غير اجل بالجنين السليم اللهم عوضها خيرا مما فقدت اللهم بشرها بما يسرها ياأرحم الراحمين واكرم الاكرمين بإذن الله النتائج تكون مبشره بالخير واذا طلعت نتايجك بشرينا نبي نفرح معك ولله اول يقولون يتزوجون اقارب ماكان عندهم مثل هالمشاكل مادري الحين طلع شئ جديد انا مستغربه ولله ع العموم مالنا الا الدعاء والتوكل على الله والحمدلله على كل حال 🌹

ان شاء الله ع خير ابشركم ياارب من المتوقع ولادتي نهاية شهر ٢يارررررب يسرها لأن المشيمه دايم تنزل في حملي هذا فقط الاحمال الي قبل كانت مرتفعه الحمدلله تفائلي واعملي سونار بدايه الشهر الرابع وتعالي بشرينا عشان ترتاح نفسيتك مريت بأحساسك وقلقك بس الحمدلله مجرد اعمل السونار بداية الرابع ترتاح نفسيتي اسأل الله ان يجعل مافي رحمك سليم معافى تاااام الخلقه وان يجعله عوض عم مافقدي وابشري ان شاء الله خير متفائله لك كثييييييييييييير بس انتبهي ع نفسك وع حملك