ببدا بمشكلتي على طول بنتي عمرها حوالي ثلاث سنوات وكم شهر .. بعطيكم نبذه عنها هي ماشاء الله لاقوة الا بالله ذكيه .. تحب الاطفال واللعب معهم ماعندها اي مشكله من هاذي الناحيه .. تحب اني احضنها .. اي طلب اطلبه منها على طول تجيبه اذا ناديتها باسمها تنتبه عندها تواصل بصري واذا جيت افهمها ان هذا هو اسمك تعند وماترضى تحفظ اسمها
تقول ماما وبابا وتعرف اسم اخوها وحافظه بعض السور القصيره عندها مخزون كلمات جيد تعرف اغلب اسماء الحيوانات وتعد من واحد الى قريب العشرين اذا بتطلب مني شي تختصر طلبها بكلمه مثلا زبادي.. مويه .. حليب .. عصير .. حلاوه ..شكولاته .. تقول حمام واذا ماتعرف اسم الشي تأشر بإصبعها عندها كلمات كثيره .. واذا شافت غلط تقول غلط .. تحب تعلق على افلام الكرتون وتحب اني اتفاعل معها احيانا تقولي شوفي
بعض الجمل الطويله اللي تكررها دائما
افتح ياسمسم ابوابك .. هذا جميل ..
شوفي بنت .. أنا اشرب ..
وتقول ماشاء الله
وقبل الاكل تقول بسم الله الرحمن الرحيم
واذا خلصت تقول الحمدلله ..
حركتها كثيره .. جدا عنيده ومزاجيه .. إذا شغلت المكنسه تنبسط وتدور حول نفسها ..
زمان كانت تبكي من صوت الخلاط والحين الوضع عادي بس تحط يدينها على اذنها ..
مشكلتها الحين انها متأخره في الكلام ماتكون جمل طويله .. ماني عارفه هل وضعها طبيعي .. اخاف يكون عندها مشكله في السمع مع اني احسها طبيعيه من هاذي الناحيه .. ياليت اللي عندها حل ترشدني تحزني وهي تسولف اغلب كلامها غير مفهوم او مفهوم ومكرر ..
شاركي في النقاش
سجلي الدخول لإضافة تعليق.
التعليقات
35- كيف وضعك معاها اجلسي وسولفي معاها نفس كلام الكبار ااذا تجلس ع الجوال ابعدية عنها
جيبي لها صور وخليها تردد وراك
بنتك مافيها الا العافية ان شاء الله - ما شاء الله عليها الله يحفظها نفس عمر بنتى بل وبنتك تكاد تكون متقدمه عنها بالنسبه للجمل كيف ما بتقولها وفى نفس الوقت حافظه قصار السور ما هى السور عباره عن جمل مع بعضها .اكيد طبيعيه
- لا يا اختي ماشاء الله بنتك ذكيه الله يحفظها لك
- ماشاءالله عليها
- في حاجتين مهمه تاثر على تواصل الطفل وكلامه وانا اكلمك عن تجربه مع اكثر من طفل
اول سبب الافراط في متابعة التلفزيون والجوال وخصوووصا الاناشيد تدمر عقل الطفل
السبب الثاني وجود مويه خلف طبلة الاذن
وانا ارجح ان هذا اللي عند بنتك بما ان تواصلها طبيعي ممكن يكون بسبب الماء
اووول خطوه اتركي التلفزيون تماما
ثاني خطره بسرررعه روحي طبيب انف واذن ممتاز واطلبي قياس ضغط الاذن
اذا قال لك باسوي لها منظار قولي لا ابغى قياس بالجهاز لان المنظار لوحده ما يكفي وانا مجربه هذا الشيء
لا تتباطئين الحقي ع بنتك مادامها صغيره
واللي عندهم سائيل تلقينهم يقلبون بعض الكلمات او ينطقونها باحرف مختلفه وخاطئه
بنتي كانت تتابع طيور الجنه وفي نفس الوقت عندها سايل خلف الاذن
وكان عندها اعراض توحد كثييييييير
ولما عرفت باضرار التلفزيون قطعته تماااماوبديت اطبق معها برنامج بالبيت والحمد لله اختفت كل الاعراض وصارت طبيعيه وكلامها تحسن بس باقي ما كونت جمل
بعدها رحت وفحصت اذنها وطلع عندها سايل خلف الطبله
وسوينا عمليه ومن اول الايام بعد العمليه تطووووور كلامها كثير وبينت معاي نتايج شغلي معها بالبيت والحمد لله وحده اصبحت تتكلم بجمل طويله وتستخدم الضماير بشكل صح
ياليت اي وحده عندها استفسار ترسل لي خاص لاني ما ارجع كثير للمواضيع
انتبهوا لاطفااااالكم 🌹
مواضيع مشابهة
تابعي تجارب أخرى من هذا القسم.