شايب بس احبه ياريت تفكرو معي وش اسوي / الموضوع استوفى الردود

انا احب شايب تعرفت عليه على النت اعرف اللي سويته غلط و ما يجوز و الخ
تعرفت عليه قبل ٤ سنين و شوي استمال عطفي حبيته جدا فترة حاولت اتركه ما قدرت عرض علي الزواج قلت له اهلي ما راح يوافقو على هالزواج انتظر انتهي من الجامعة المهم قالي ابنتظرك بس بديت اشوف الطفش من ناحيته بعد سنتين و شوي بدا يتغير ابختصر لكم الموضوع الحديث فيه يتعبني المهم ما عاد يرد علي نفس قبل و كأن النفس عافتني يقولي تعالي نتزوج بالبلد اللي هو فيها بالمحكمة رفضت من غير موافقة اهلي انا خفت اعلمهم عنه اني ابغاه
المهم بعد فترة قالي بروح المغرب سياحة حضرته صار ما يرد علي نهائيا بعد شهور اكتشفت انه تزوج هو قالي و حطني امام الامر الواقع المهم صار ما يتكلم معي كثير اشغلته عني و الحين اترجاه يرجع لي يقولي انا يوم كنت ابغاك ما سمعتي شوري و كلمتي اهلك قال لي انا الى الان ابغاك بس وش اسوي علاقتنا مستحيلة اهلك ما راح يوافقو
بنات انا عارفة كل اللي سويته غلط و غباء و ما يجوز و ضد اني اكلمه و هو متزوج او حتى غير متزوج بس و الله الحب يسوي اكثر من كذا و الله بالايام كنت ابكي عليه انا احزن لما افكر في هالحالة اللي انا فيها اشفق على نفسي معيشة نفسي وهم و مو قادرة اتخلص منه حاولت بس حبي له قوي ادري كل البنات يقولون كذا بس حتى يوم صد عني و يوم حاولت ابعد و مليت وقتي بمليون شي عشان انشغل لا بد اذكره و احزن علما انه العلاقة متدهورة لها اكثر من سنة و شوي
انا الان عمري ٢٢ و هو ٦٠ ادري مفروض انذبح بس ايش اسوي القلوب ارواح مجندة المهم انا الحين ايش اسوي انساه عجزت و الله حالتي كل مالها اسوا انا احب هالانسان جدا
هل ممكن اهلي يقتنعو؟ كيف اقنعهم ؟ اصلا كيف افتح معهم الموضوع؟ احس فشلة و بحياتي ما فتحت معهم موضوع زواج؟ و حتى ان في ناس يخطبون بس ما ابغى ولا واحد فيهم ابظلمه اللي بياخذني ما عندي له شي و ادري تقولون المودة مع العشرة ما ابغى عشرة مع اي احد ابغاه هو و بس
ادري غبية و راسي يابس و ما افهم بس انا عطيت نفسي فرصة سنة و شوي و حبي ما نقص و لا نسيته تعذبت بس و جاني اكتئاب
و الله ان موضوعي مو طقطقة و اللي تبي تسب و تشتم لا تردو انا عارفة اللي بتقول عمره كبير رجل بالحياة و رجل بالقبر و متى تلحقي تجيبي عيال و ما ؤاح يظل معك كل هذا فاهمته و مستعدة اضحي و اعرف بتقولون هبلة و ما تفهم و لو المشكلة هاذي لوحدة ثانية كان قلت لها صدق انك مغلفة و عبيطة و لو ان الموقف معكوس ما يفكر ياخذ عجوز ال ٦٠ بنات انا فاهمة كل هالكلام
بس احبه الله ياخذ الحب و يومه 😭