بنتي واليوتوب

السلام عليكم خواتي
انا عندي مشكله بنتي عمرها ٣سنوات. جننتني على الجوال
هبلت في
الا لازم تمسكه وتشوف افلام الكرتون الي تبي عليه
ماتتخيلونها لو ماخذت الجوال احسها بتنهبل او اذا طفا شحنه
وصل فيها الامر انها تضربني باعنف ماعندها باي شي تمسكة بيدها حتى الجزمه او تجيب اَي شي مادري الا هو برأسي كوب
فنجال
اذا طفا الجوال او ماعطيتها حاولت معها ماتمسكه لدرجه انها أصبحت تروع
يطلع لها حركات غريبه علشان تحصل على الجوال اذا صحت من النوم والنَّاس نايمين جمعت الأجهزه من غرف البيت. وكلن تاخذ جهازه وتمشي بخفه وتسرق اجهزت اختها وخوانها وانا معهم
حتى مره جت اختها من الكليه وسحبتها من يدها قالت لاختها تعالي نامي بنام انا وتمسك اختها الكبيره وتنيمها على سريرها وهي على سريرها مقابل اختها وتفتح عين وتغمض عين تسوي نفسها نايمه
وأختها عرفت ايش تبغي وسكَّرت عيونها ونزلت بشويش واخذت جوال اختها
حركاتها تروع سراحه
واذا ماحصلت الجوال راحت لأغراض اختها وغبتهن
واذا ماحصلت الجوال تقلب لك الغرفه كانه ماسكها عشرة ارجال
تقلب الدنيا قلب
واذا جتن وعيت على الجوال اذا هي هاديه بلحضتها تقوملك تروح لاختهاالكبيره وتطلب منها تمشط شعرها عقب الي قبل مستحيل نزين شعرها بسهوله. علشان تكسب رضاي تطلب من خواتها يرتبنها ثم جت تتميلح قدامي شوفيني ثم مدحتها ثم طاحت باتبويس وتغنج ثم قالت يالله عطيني الجوال

وحركتها الثانيه اذا بغت الجوال قالت لها اختها نظفي البيت وربي يابنت ماشاء الله انها تقلبه قلب بالتنظيف
بنتي من عقب اهبال الجوال خلاص ماعادت طبعيه حتى حركاتها صارت تتخيبل وتطلع لسانه وتتخبل وتتخطف ولا تركز ابد
ابي حل ابيها لها ماحب تتعلق بالجوال
حتى التلفاز ماتحبه ابد من بعده
انا ماعودتها اختها تعطيها الايباد ومن عقبها طاحت بالجوال
وتعلقت بشكل جنوني من تقوم من النوم على طول له
انا عندي عيال. مافيهم الا مر علي زيها هي حاله غريبه
ياليت تعطوني حل الي مرت عليها ذي الحاله