بدخل بالموضوع على طول انا بالجامعة ومرة كنت امشي بسلام وفجاءة شفت بنتين اعرفهم يطالعون فيني ويضحكون ومبين يعني انهم يتمصخرون علي (تعرفون لما ثنتين جنب بعض ويطالعونكم ويضحكون وتحسون ان فيكم شي غلط؟كذا نظرتهم لي)استغربت وصرت اناظر فيهم وسوو نفسهم مايقصدوني وصدوا عني (يعني واضحة الحركةوواضح من صدهم إن فيني شي يضحك ولايبوني ادري انهم يضحكون علي)المهم وانا امشي قعدت افكر وش اللي فيني يضحك؟؟؟هل شعري صار منفوش ؟والا على لبسي شي ؟؟رحت للحمام شفت شكلي بالمراية ولا لاحظت فيني شي يضحك يعني شكلي عادي شعري عادي انا عاديه وشفت ملابسي بعد مافيها شي يضحك تفقدت كل جزء مني ماشفت شي يضحك ومن فترة وانا افكر وش اللي كانوا يضحكون عليه فيني ؟؟؟!!!
وحبيت اطرح هالسؤال على البنات اللي يضحكون مثلا على وحدة تمشي او وحدة جالسة او وحدة حتى تتكلم وش اللي يضحك؟؟؟!!يعني هل بالمنتدى هالنوعية من الناس ياليت يجون ويتكلمون ويقولون لنا وش الي يضحك خصوصا اني تكلمت مع بنات ولقيتهم صارت معهم مثلي يقولون مرات ننتبه لتنثين قاعدات ويضحكون علينا ويوم نفكر هل فينا شي يضحك مانحصل الجواب ولاندري ليش يضحكون ومبين من نظراتهم انهم يضحكون على تصرفاتنا او على شي فينا
ادري بتقولون لي الثقة ومالثقة وخليك واثقة اوكي انا واثقة من نفسي بس ووودي اعرف وش يضحكهم؟؟لو انتم مكاني مايصير عندكم فضول بتعرفون ليش الضحك؟حتى لو انتم واثقين من أنفسكم بس ودكم تعرفون ليش يضحكون
شاركي في النقاش
سجلي الدخول لإضافة تعليق.
التعليقات
49- الله يعين
- ما ادري والله يمكن موقف حصل معك او واحدة منهم حصل موقف و انحرجت منك و صارت تحكي او يمكن هما في حالهم بس انت يتهيألك او ممكن يقولون تشبه فلانة كنت بقولك ثقة بس دامك حذرتينا بطلت خخخخ
- أتذكر هالحركه صارت فيني في عزومه وعرفت بعدين ان السبب عشان تشكين بنفسك وتهز ثقتك بنفسك ولان بعضهن فيهن حقد وحسد فتسوي هالحركه عشان تطفي نار الحسد اللي بقلبها وبيسونها فيك لو انتبهوا انك منتبه لهم واتوقع فيك شي مميز ومحترين منك وحركتهم هاذي استفزاز لك طنشي أفضل
- طيب واذا سمعتيهم يتكلمون بصوت واطي عنك انا صار معي هالشي وانجرحت وقتها مع اني صغيره وقتها بالمتوسط ..ويااختي هي حسنات تجيك بالمجان خليهم يضحكون وانبسطي بداخلك والله اعلم كيف الانسان يتعب بحسناته وبلحظه يطيرها على العباد بكلمه بنظره باي شي
$جوانا$ ما ادري والله يمكن موقف حصل معك او واحدة منهم حصل موقف و انحرجت منك و صارت تحكي او يمكن هما في حالهم بس انت يتهيألك او ممكن يقولون تشبه فلانة كنت بقولك ثقة بس دامك حذرتينا بطلت خخخخ
ترى ما اضحك على الناس بس قلت اعاونك افكر معك
مواضيع مشابهة
تابعي تجارب أخرى من هذا القسم.