تجمع جديد (اهلا بالشتاء)

امس وصلت بيتي بعد غيبه عنه اسبوع
غسلت الحمام والمغسله ونظفت المطبخ عالسريع وطلت اقضي للثلاجه ورجعت ونمت
صحيت الصباح ورحت اسجل بدار للقران ورجعت سويت الفطور وبعدها غسلت المواعين والحين ببدأ بتغسيل الملابس وتفريغ الشنط وتنظيف البيت
يارب تساعدني ياربي ياحبيبي

بنات نبي جدول يكون كل يوم تنظيف وفرز لشيء واحد عشان مانتعب مع الشغل اليومي ، مثلاً يوم للثلاجه من تنظيف وترتيب وتقطيع الاشياء بعلب ويوم لدولاب المؤونه والاكل وهكذا

السلام عليكم مساء الخير على الجميع .. حابة انظم معكن لأضع يدي بيدكن .. و كلي امل بعد الله ان تأخذوا بيدي وتتغير حياتي للأفضل .. اريد ان تزرعوا بي الثقة والايجابية ..فأنا احب النظافة والترتيب .. ولكن حصلت لي ظروف بالرغم عني .. حيث مرضت لفترة اثرت على حياتي وعندي اطفال .. وفي الفترة الاخيرة اصاب منزلي تلفيات عديدة حيث كنت بسفر لمدة اربعة شهور ولما رجعنا تفاجأت بأن المنزل سرق منه بعض الاشياء وخرب وعبث حتى بملابسنا لم يبقى شيء بمكانه .. وانا الان فترة احاول ان انظف وارتب ولكن دون فائدة .. احببت ان انظم لكن .. لكي تساعدوني ان انجز عملي فالبيت مخرب ومكسر وكل شيء في مكان حاولت ان انجز القليل مع ظروف الاطفال والمدارس .. من الصعب منطقتنا ان القى خادمة بالايجار اليومي .. اهم حاجة اريدها منكن ان ترفعوا معنوياتي اريد البسمة في شفتي قبل كل شيء اريد ان ارى الدنيا جميلة حتى اقدر ان انجز واهتم بنفسي وبأطفالي .. كلما نظرت للفوضى لا ا اعرف ابدأ من اين ويصيبني الاحباط خصوصا عندي طفل رضيع .. شاكرة لكن مقدما. وان شاء الله على يديكنبفضل الله سأقف مثلما قبل و اكثر .. لكن محبتي

وعليكم السلام ورحمة الله وبركاته

حياك الله يا اختي .. الله يعوضكم يارب عاللي انسرق ويساعدكم ❤️

بالنسبه انك ماتدرين من وين تبدين عندي لك اقتراح
جيبي ورقه وقلم وسوي جدول اسبوع ويبدا من بكرا

بكل يوم حطي لك ترتيب غرفه او مكان واحد. غرف النوم اقسمي الغرفه على يومين مثلاً يوم بس لدولاب الملابس فرز وتنظيف وترتيب واليوم الثاني تغسيل مفارش وتمسيح التسريحه والادراج والارض

بما ان عندك مدارس اكيد تصحين بصلاة الفجر اذا صليتي وقريتي اذكارك شغلي قران وجهزي فطورك انتي وعيالك وافطري عشان جسمك يكون فيه طاقه وان شاء الله هالوقت يكون رضيعك نايم وابدي سوي شغلك وجهزي غداك ونامي ، سبحان الله وقت الفجر والصباح فيهم بركة عجييييبه


الله يعيينا ويكتب اجرنا ويساعدنا ❤️

اليوم طبقت الملابس اللي عالمنشر وغسلت دفعتين ملابس وعباياتي
حفظت وجهه قران الحمدلله
سويت الغداء والسلطه كثرت وقسمتها ليومين ونظفت المطبخ
قطعت باميا وغسلتها وفرزنته
قطعت الدجاج وفرزنته

للحين مافرغت شناط السفر واحس خلاص انتهت طاقتي اليوم