السلام عليكم
انا بكتب مشكلتي والهم اللي انا شايلته واتمنى نصايح منكم الله يسعدكم
انا عمري ٢١ ولي صديقه دايم تكلمني عن خالها ومن اكثر من سنه وانا اتمنى هالرجل يكون زوج لي تمنيته والله وحبيته لكن مابينت وكنت ادعي ربي انه يكون من نصيبي لكن ماخطبوني وقبل ٤ شهور خطبني واحد عمره ٣٤ ماعليه كلام وانسان طيب وهادي ومتوظف وعرفنا سبب انه ماتزوج كل هالمده وكان سبب مقنع وغضيت النظر عن عمره ووافقت لحسن الكلام عنه وملكنا
لكن اللي احزني وخلاني اتضايق واشيل هم ان اللي كنت اتمناه خال صديقتي جاء وخطبني قبل اسبوع هم مايدرون اني ملكت ماعلمتها عني
والحين احس اني استعجلت لما وافقت على هذاك وجالسه افكر باللي كنت احبه استغفرالله 😭 انصحوني يابنات 💔💔
شاركي في النقاش
سجلي الدخول لإضافة تعليق.
التعليقات
52- لو كان من نصيبك وربي كاتبه لك صدقيني بتزوجينه لو ايش يصير
لمن الخيره فيما يختارها الله
اتركي عنك التفكير هذا الشيطان يبغى عينك تطول ع غير زوجك انتبهي
وباذن الله هالانسان اللي وافقتي عليه بتحبيه وبتعيشون احلى عيشه
الله يسعدكم ويجمع بينكم ع خير - سبحان الله
لو انا بمحالك تدرين ايش بيجي ببالي
ان الله ازاح عني شي كنت اتمناه وهو شر لي اصلا
ثثققققي ان الخير ف اللي تزوجتيه👍👍👍👍 - الله يشرح لي صدري مشكورين على الرد
٢٥٠ مشاهده مافي غير تعليقين ياجماعه انا محتاجه اراء ونصايح مو محتاجه تشوفون وتطلعون - فيه خيره لك تاكدي ان الشي هذا ابعده الله لان بعده فيه خير
- إنتي الأن على ذمة رجل اتقي الله وانسي هذا خال البنت ودائماً تذكري قوله تعالى﴿وَعَسَى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) وارضي بما كتبه الله لك حتى ربي يرضى عليك ويرضيك ولاتفتحي للشيطان مجال وادعي الله يسخر قلب زوجك لك ويسخر قلبك له ويجمع بينكم على خير....
مواضيع مشابهة
تابعي تجارب أخرى من هذا القسم.