سنين مضت والحين تغير

مواضيعي كثيرة عن حياتي اللي عشتها كلها تعاسة وتعب وشقا وقهر وضيم صبرت وصبرت وداريت وتعاملت بحكمة لمن تغير لكن متى تغير بعد ما ترك زوجته اللي طلقها والحين تزوج علي وحدة ثانية ومن خذها مضى عليه ست شهور صار انسان ثاني بمعنى الكلمة حتى مصروف صار يعطينا وتعامله روعة صار وصارت كلمتي اقوى عليه .


لكن وين المشكلة أن حدي منقهرة ليش تزوج علي للمرة الثانية والماضي الأليم اللي عشته متعبني والغيرة من زوجته بس اعرف ان طالع معاها او ترسل له واتس او اي شيء احس بغبن وقهر في داخلي خاصة أن تزوجها بعد قصة حب من شبكات التواصل لمن وصل لها وتزوجها .


خذها وهي ما فيها زود علي في اي شيء بل افوقها في الشكل والدراسة والسنع بعد ماخذها صرت انا الحب والعشيقة والدلال والسفر والطلعات .


لكن المشكلة بعد تعب السنين فيني انا مو قادرة اتأقلم مع وضعي الجديد وطلبت منه الطلاق اكثر من مرة ويجلس يترجاني ويداريني وانا جد تعبانة .


نصيحتكم ربما تجد فيها بلسم حق جورحي