انا اخذتها بأول ولاده لي على يد اخصائي التخدير بمستشفى دله بالرياض
بذكر تجربتي من ناحية الايجابيات والسلبيات عشان الكل يستفيد
الايجابيات
خفت آلام الطلق بنسبة ١٠٠٪
طول الطلق الى وقت الولاده ماحسيت بأي آلام تذكر
ألم الخياطه ما احتجت ابرة بنج وماحسيت بألم الخياطه ابداً
المنطقه من الحوض والرجلين مخدره تماماً وكنت ماخذتها الساعه ٩ الصباح وفك البنج على المغرب
وقت ما الاخصائي يعطيني الابره كان الرحم فاتح اربعه سانتي وعطاني اياها في فترة الراحة بين طلقه والثانيه
السلبيات
من اكبر سلبياتها ويتفق عليها الجميع حتى الدكاترة نفسهم انها تأخر الدفع بسبب انك ماتعرفين متى وقت الطلقه وتصيرين تاخذين وقت طويل بالدفع وهالشيء له اضرار كبيره عليك وعلى الجنين
من ناحيتي قعدت ادفع نصف ساعه بشكل متواصل لدرجة صابتني بواسير شديده من قوة الدفع شفت الموت منها والجنين تبرز في بطني لانه طول ماطلع وضعف نبضه
ومقارنه بولادتي الثانيه بدون ابرة الظهر كنت قادره ادفع مع الطلقه وخلال ثلاث دفعات طلع الجنين
فيه سلبيه ثانيه اللي هي ألم الظهر بمنطقة الابرة لمدة ثلاث اسابيع الى شهر وبعدها يخف تدريجياً بس كنت وقت النفاس ما اقدر اتحرك براحتي لان ظهري كان يألمني
شخصياً انا انصح فيها لكن بشرط انك وقت الدفع تطلبين منهم يخففون الجرعه عشان تحسين بالدفع وتدفعين صح ويطلع البيبي بسرعه وماتاخذين وقت طويل بالدفع وهالتقنيه صاروا يسوونها اغلب مستشفيات الولاده اللي عندهم خبره صاروا يخففون الجرعه وقت الدفع صحيح بتحسين بطلعة الراس والطلق وقتها لكن اهون من مضاعفات الدفع المطول.
بضيف نقطه اللي بتاخذ طلق صناعي تاخذ معها ابرة ظهر وهي مغمضه ولا تشاور ولاتفكر لأن ألم الطلق الصناعي تعب نفسي وجسدي وكل وحده وقوة تحملها بس بالنسبه لتجربتي وتجربه كم وحده اعرفهن شخصياً اخذوا طلق صناعي تندموا كثير انهم ماخذوا معه ابرة ظهر خصوصا اذا صار الطلق الصناعي بالوريد هذا مووووت حااار مرره يختلف عن تحاميل الطلق التحاميل طلقها متدرج مثل الطبيعي اما طلق الوريد يحمى على طول وحار مره .
التجمع الثاني لحوامل مارس وابريل ٢٠١٨ <3
متابعة النقاش، صفحة 291