اختي تقدم لها معلم شاب و لكن متزوج

عزيزاتي
باشرح لكم الموضوع بدون مقدمات
اخت زوجي متخرجه من الجامعه و متوسطه الجمال و حبوبه ... قبل شهر تقريبا تقدم لها شاب ممدوح جدا و ملتزم و راعي صلاه بشهاده جيرانه و معلم و عنده عماره دور مسكن زوجته فيه و الدور الثاني شقق مأجرها
الشخص هذا متزوج و عنده ٣ اولاد و ٣ بنات اكبرهم في المتوسط يعني اغلبهم اطفال
زوجته معلمه عمرها في نهايه الثلاثينات ... لما خطب عندنا تعذر انه مو مرتاح مع زوجته و عنده قدره على الزواج
المهم احترنا بصراحه ... بعد كذا قررت انا و اخت زوجي نروح مدرسه زوجته عشان نشوفها من بعيد لبعيد .. و فعلا رحنا المدرسه و سالنا عنها و طلعت معلمه انجليزي .. و شفناها.. يا بنات ماشاء الله جمال و شديده البياض و شعرها يهبل و لبسها ذوق.. و حتى رشيقه
مره مره تفاجأنا بصراحه ... و طلعت في المدرسه وحده من المعلمات نعرفها و علاقتنا فيها حلوه .. عرفت اننا جينا نشوف فلانه ... و حلفناها ما تعلمها .. بعد ما رجعنا البيت اتصلنا على هذي اللي نعرفها و سالناها عن زوجه الرجال هذا اللي خطب اختي قالت لنا هي انسانه مخلصه جدا في عملها
سالناها عن زوجها قالت هي دايما تشتكي من زوجها انه بخييييل جدا و هي اللي قايمه ببيتها و عيالها من الالف للياء
المهم اذا سالنا عن الرجال هذا في وسط الرجال مدحوه مدح مو طبيعي و حسسونا انه خساره نضيعه و عنده املاك و راتبه حلو و وسيم و اذا سالنا عنه في وسط النساء قالوا لنا انه بخيل و عديم المسؤليه
ايش رايكم ؟