كنت متقبلة زوجي والحين لااا

السلام عليكم ورحمة الله وبركاته
اولا اعذروني راح اكتب بشكل عشوائي وافكار مو مرتبة ...
انا في الثلاثين من عمري وموظفة في بنك في الرياض وخريجة علوم الحاسب الآلي جامعية سبق لي ان تملكت مرتين وفكيت في الملكة والحين متملكة على واحد لي خمس شهور وقبل الملكة عرفت مواصفاته وانه جندي وما عنده الا الثانوي وبصراحة ترددت بس قلت بدخل نظرة واشوف علشان ما اندم المهم في النظرة ارتحت يمكن لان شكله كان مقبول وتملكنا بالبداية كنت متقبلته بس مع الوقت بديت احس ان شخصيته مهزوزة وما عنده ثقة بنفسه احسه ما يعرف يرتب جمل ولا يناقش اصلا يعني من غير غرور فرق كبير بين طريقة كلامي وكلامه احس مافي حاجة مشتركة بيني وبينه ابدا وظيفته مزعجتني ما توقعت اتزوج جندي وشهادته بعد وشخصيته صرت اكره اني ارتبطت فيه نفسي اتطلق بس كلام الناس ما يرحم
احس ما اقدر اعيش معه ولا اقدر اخليه يقرب مني ولا اتخيل بيت واحد يجمعنا وعلشان ما اظلمه واكون منصفة هو طيب و مو متشدد ابدا
احتاج مشورتكم الله يسعدكم واللي بترد بقلة ذوق لا ترد ما عندي مانع من العتاب طبعا بس بدون تجاوز




سبب عدم اتخاذي الانفصال للحين نقطتين ركزوا فيها
سبق وملكت مرتين وتطلقت في الملكة يعني مرة ثالثة صعبة قدام الناس .. ثاني شيء ابوي اصلا مو قادرة افتح الموضوع له بينصدم 😭