نتيجة الحقن المجهرى سالبة الحمد لله

الله يعوضك عليك خير ويرزقك بدون تعب أنابيب او غيره هو ولي ذلك والقادر عليه ولا تحزنين وتذكري أن كل شي لحكمه هو مريدها سبحانه وأنه يريد أن يختبر صبرك ،،، وأنا عملت أنابيب مرتين وكلها ما نجحت الحمد لله على كل حال ،،، وبالنسبه للتحليل وقت السحب ما عندي فكره كم المفروض يكون الهرمون ؟؟ هم كانوا يعملون لي تحليل أيام التنشيط بس مش عارفه تحليل ايه بالضبط ؟ لكن باين الدكتور اللي تتعالمي معاه أمين لأنه قال لك السبب انا رأيي تكملي معاه لانه صار عنده تصور عن وضعك وكل شي بارادة الله أولا واخيرا

ألاء ربنا يسهلك حملك وولادتك يا رب

Lonely يا رب يخليكى على الدعوة الحلوة دى و يرزقك بالذرية الصالحة

اشراقة أمل يا رب يخليكى على الدعوة الحلوة دى و يرزقك بالذرية الصالحة

ريوف ان شاء الله هنحمل انا و انتى طبيعى من غير عمليات برحمة الله التى وسعت كل شىء.

اختى العزيزة
لا تقنطى من رحمة الله وادعى واصبرى واحتسبى انا كانت نتيجتى امبارح وانا زيك النتيجة سالبة ومقدرش اقولك اد ايه الهم والحزن مالى قلبى حاسة انى حزينة وكل محس كده اقول دى ارادة ربنا لو شاء لنجحت سبحانه هذا خلقه وعلى فكرة دى خامس مرة اعملها مرة نجحت وحملت لكن الحمل لم يستمر والحمد الله الذى لا يحمد على مكروه سواه انا عملتها مرتين فى الاسكندرية و3 مرات عند ابو الغار عند د/ رجاء منصور فى المركز بتاعهم هم ناس محترمين جدا وعندهم خبرة وهما رواد فى المجال ده وكل شى بارادة الله كلها اسباب والخلق من عنده وحده
ربنا يفرج كربنا ويعوضنا خير ويصبرنا على الابتلاء ان مع العسر يسر ادعى ربك باصرار واخلاص

والله يا نرمين حاسة بيكى جدا انا من يوم النتيجة حزينة مش عارفة اضحك مش يائسة من رحمة ربنا
انا عارفة يا نرمين ان كلها اسباب بس عارفة بعد ما فشلت قلت يمكن د.أبو الغار احسن عل اساس انهم رواد؟؟؟؟؟؟؟؟؟؟
عارفة يا نرمين انا قريت مرة قصة فى المنتدى و ناوية اعملها ان شاء الله هاصحى كل يوم قبل الفجر بساعة اصلى نصف ساعة و استغفر نصف ساعة ، اعمليها معايا يا نرمين و يلا نشجع بعض و ربنا ان شاء الله هيرحمنا و يرزقنا.
انتى اية كانت مشكلتك يا نرمين؟

مشكلتى فى زوجى كان عنده دوالى فى الخصية والعدد كان قليل وبعدين عمل عمليه دوالى والعدد اصبح صفر ودخلنا فى قصص كثيرة جدا كلها هم والم دكاترة وتحليلات وعمليات وبعدين العدد رجع تانى بس الف 100 الف يترواح ساعات مليون وكل الدكاترة قالوا ان الحل فى الحقن المجهرى انا سليمة الحمد لله وارادة ربك ورحمته فوق كل شى انا متجوزة من 5 سنين انتى متجوزة من امتى ؟
ربنا يفرحنا ويجبرنا ويعوض صبرنا خير ويرزقنا الذرية الصالحة ان شاء الله