شاركي في النقاش

سجلي الدخول لإضافة تعليق.

التعليقات

1,996
  1. صاحبة الموضوع
    DaaanDooon
    السلام عليكم ما شاء الله شو هالنشاط كيفكم جميعا نونو عظم الله اجركم الله يرحمه ويرحم اموات المسلمين اليوم تعدلت انا كمان وعملت قطايف والله طلعت ولا اسهل منها بس شو المطبخ كانه صابه ترنيدو لاني كمان طبخت وقاعده بعمل عيش السرايا عشان اخده…
    هذه طريقة سهام بغدادي، احنا زمان ما عملنا مسخن فنسيت كيف امي بتعمله،،،
  2. @daaandooon

    زهرة الفراشة
    هذه طريقة سهام بغدادي، احنا زمان ما عملنا مسخن فنسيت كيف امي بتعمله،،،
    انا اكلته بالطريقه اللي ذكرتيها مره في مطعم صاحبه من حيفا ففكرت انه اهل الخليل بعملوه بنفس الطريقه
    المهم احنا يا حبايب بنجيب جاج حسب كمية الاشخاص ومنحطه بطنجره مع زيت زيتون انا بس بحط كاسه عشان ما يطلع ثقيل على المعده وبتكونو فارمين بصل فرم صغير الكميه اللي تقدري عليها يعني تا ينشفو دموعكم
    لازم البصل يكون كتير يعني 8 بصلات كبار مثلا
    المهم حطوا البصل بالاول على الزيت وبعدين ملح وبهارات وبعد ما يدوب البصل شوي حطوا الجاج وسكرو الطنجره وخليها على النار حد ما يستوي الجاج
    مااتضيفوا مي على الجاج اوعكم ها ليش بكوز اي سيد سو زي ما بحكي لهبه
    نرجع للطبخه
    لما يستوي الفراخ شيلوه وحطوه بصنيه عشان تحمروه بالفنن على قولة امون
    صفوا البصل من الزيت
    حطو الخبز في زيت البصل واصلا حيكون خفيف لانه نصه مية بصل
    بعدين حطوا الخبز في صنيه واسعه وحلوه للتقديم وافردوا بصل بحيث يغطي وجه الرغيف ورشي عليه سماق وصنوبر محمر
    خليكي كريمه بالسماق عشان لونه وطعمه يطلع حلو
    كرري العمليه لكل رغيف وبعدين حطي الجاج فوقه
    جربوه سهل بس انا كتابتي للطريقه عقدتها
    اللي ما عنده خبز طابون ما يتحجج لانه انا بعمل الخبز في البيت بالفرن
    بس بتعرفو اجتني فكره المره الجايه بدي احاول اسال المطعم الهندي عن الخبز لانه النان عندهم نفس خبز الطابون

تابعي تجارب أخرى من هذا القسم.