ساعدوني بنات في هالقرار

اخواتي محتاجة مشورتكم في موضوع مرة مرهقني ومتعبني ...اسمحولي على الاطالة ... انا متزوجة من فترة طويلة ... زوجي من النوع اللي كل شي عنده لاهله .. يحط مصروف البيت على القدد واي شي ينقص انا اكمله وكل شي زايد عنده لاهله ..شي يحتاجونه وشي ما يحتاجونه ...ربي شاهد اني دايم اوصيه على اهله وكنت ساكته وما اتكلم .. من وانا عروس واهو يترك البيت بدون مصروف وانا اكمله ... ما كنت لاقي شي يسندني يوم اولد ..ياخد بونصات بالهبل من وراي وما يقول ولا يعترف .. وسواليف كثيرة ... كل مرة اكتشف ابكي واقوله انا مو مانعيتك من بر اهلك بس ارحم ضعفي ومرضي وحالي وحال اولادك ... يتحسن فترة ويرد اسوا من قبل ... حالي ساء كثير ودخلت المستشفى ... طيل هالفترة وانا كنت واخواته سنة على عسل .. اعتبرهم اخوات واكثر وعلاقتنا مرة ممتازة ... ما كنت اتكلم او اسولف لهم عن مشكلتي ويا اخوهم واستغلاله ... بس في يوم بكيت كثير كنت مكتشفة بونص من بونصاته .. كنت على وشك الولادة وبدال ما يخليه لبيته راح اعطاهم لزوج اخته يسوي فيهم مشروع ... هالحادثة مرة اثرت فيني للصميم ... وقررت افاتح اكثر وحدة من اخواته طيبة .. كنت اعتبرها اختي وصديقتي ... جلست اشكيلها واشكيلها على الوتس ... وهي بكل بساطة سوتلي بلوك .. تخيلو بنات بلوك ... انا كنت احتاي تساندني وتوقف وياي بمشكلتي واهي بكل بساطة سوتلي بلوك ....كل هالصبر والتعب واخر شي بلوك ... سكتت وما قلت لها شي ....ومن بعد ما عاتبت اخته ... اكتشفت وجه ثاني لاهله ما كنت اعرفه ...وجه شرير مرة ... اختلف تعاملهم وياي وصرت كاني عدوة ... ما عمري توقعت هالشي ابدااا .زوجي كان يصمم ازورهم حت لو ما عاملوني زين ... ولو عملو ما عملو لازم يصر علي انزل واعيادهم في رمضان والعيد ... وانا كنت انزل وصخرة على قلبي ......صدود في زياراتي .. كله يجحرون ...لا في احترام لي ابد ابد ....يفايزوني باولادي كل ها واهو يصمم انزل .... في يوم تفاجات في اخته ترن علي وتسبني وتبهدلني باني خبيثة وتصارخ وووووو وانا انفعلت وفي اول مرة في حياتي رديت عليها وكانت ردودي على اتهاماتها ...واهي طبعا تناقلت كلامي بدون ما تقول انها اتصلت علي .... مالقيت نفسي الا وارد اواجهها واعنفها بانها ما تخاف ربها وانها تنقل الللي قلته لها بدون ما تقول شنو قالت لي ... صراحة فلتت اعصابي من الضغط وقلت لها تافهة وا تخافين ربك ..... هااااي كانت اول مرة اواجه فيها احد منهم ... راحت شكتني لابو زوجي وابو زوجي طردني من بيته.... وقال لزوجي تروح تقول لمرتك ما تدخلين بيتنا واهي بطريق وحنا بطريق ... طبعا زوجي نقل لي هالكلام ... ونقل لي الطرد بحذافيره ... وانا الان مرة عازة علي نفسي ... انا اتحمل واصبر على تقصيرك فيني وفي اولادي سنين ساكته ما اتكلم .. واول موقف لي ارد فيه على اهانات اختك تطردوني من البيت .. لا وبعد تنقلي هالطرد انا انسانة متعلمة واشتغل واقدر اعيش بكرامتي بعيييييييييييد عنه ... انا مابي اتطلق عشان عيالي بس طلبت منه يروح يتزوج ويشوفله بيت ثاني يعيش فيه .. طال ما الصبر والتعب نتيجته الطرد عند اول موقف مني ....كااااااااااااااااااااااااااااارهته بشكل لا يوصف وحاقدة عليه بقوةةةةةةةة بنات شورو علي والله مرة عازة علي نفسي وابغي حل لهالتعب ...

13 تعليق 1,923 مشاهدة

شاركي في النقاش

سجلي الدخول لإضافة تعليق.

التعليقات

13
  1. @am_r_yof

    هلااخيه الحل في انك تلجين لله وتشكين ظلم البشر واكثري من قول لا حول ولاقوة الابالله العلي العظيم واكثري من الاستغفار وتاكدي ان اغلب البيوت مليانه مشاكل وكل واحد يعتبر نفسه مظلوم
    لو احكيلك ما تعرضت له من مشاكل لشاب راسك خليها على الله وربك مايضيعنا
  2. السلام عليكم يا اختي العزيزه
    بصي بصراحه راءيي من اللي شوفته واللي عشته اني الحل انك تطلقي و تحاولي تاخدي عيالك منه لانه لو هتستحملي علشان عيالك فعيالك مش هيستحملو زوجه اب ولو شافوكي بتتهاني هتتهان كرامتهم هما كمان و هيبقو دايما مجروحين وبعد كده هيجيبو اللوم عليكي ومش هتستفادي حاجه غير التعب و الصبر علي مفيش

    تم الإرسال من SM-G361H باستخدام Tapatalk
  3. @kythr_alfrh

    صاحبة الموضوع
    كارهته وحاقدة عليه من يوم تزوجته واهو بس كرسني لاهله انا وعيالي وشغله وشغله كل زيادة لهم
    ويوم وصلت حدي وصارحتهم في اول مواجهة ني لهم طردوني ونفوني وكله بسببه ... ما عمل لبيته قيمة ومقدار وكرامة ... يتزوج ويريحني منه ومن كذبه وخداعه

تابعي تجارب أخرى من هذا القسم.