خايفه زوجي يتغير او يدور غيري وهذا السبب

سلام بدخل بالموضوع
شي متعبني الحمدلله زوجي جميل وظيفته حلوه
اموت فيه عاجبني بكل شي
بس خايفه خايفه يابنات يسحب علي ويدور غيري
سوا بالحلال او الحرام
لي سنه ونص متزوجه
اول ٨ شهور كان زوجي اسلوبه عادي ماوضح على حقيقته
وانا اسلوبي بكل صراحه
هاديه اميل للخجل
بكل صراحه انا رومنسيه بكل شي بالكلام
بالديكورات والشموع والروائح والهدوء
لكن زوجي مايبي كذا اكتشفت شخصيته الحقيقيه
يبي بنت فله فله حقت هبال وضحك
هذا اول شي
ثاني شي يموت يموت يموت يموت بشي اسمه رقص
وانا للاسف ماعرف ابد حاولت كذا مرا بعزايم بزواجات
ارقص بس احس شكلي مو زين ابد كاني بزر ماتعرف ترقص
يعني اشوف حريم وبنات لسى ماتزوجو
عليهم رقص وهز يهوس تشوفينها تحرك الخصر لحاله
ونظام المشيه بالرقص تهوس
انا ماعرف ابد ولا اعرف كيف طريقه الرقص
هل اهز خصري ناس قالو ارفعي رجل وهزي وهذا الرقص
بس عجزت اضبط اهز هزتين ويخرب كل شي كل شي
والله زوجي ميت ميت كل يوم ارقصي لي
احب الهيصه انا غريبه فيه بنت هالوقت ماترقص
البنات الحين يرقصون اجنبي وانتي ماتعرفي عادي
هو ع باله اعرف بس اكذب عليه مستحيه
ويحاول يغريني اسوي لك كذا اذا رقصتي
اذا مستحيه ارقص معك وش الحل تكفون بنات
ودي ودي ميته اعرف ارقص من قبل اتزوج
بس ماش عجزت والمصيبه ابتليت بزوج ميت
ع الرقصه والهيصه والاشياء ذي
اختي تقول الرجال خبول اشتري بدله رقص وهزي
هزتين ويصدق بالمقابل زوجي ذكي واشوفه يعرف
الرقص الحلو من الشين لان اهله كلهم راعين رقص
حتى امه مع انها كبيره تعرف مرا ترقص
ودايم يشوف خواته يرقصو بالاجتماعات وكذا
وانا مزهريه بينهم وكل مايسحبوني ارقصي
اقول والله ماعرف وينصدمو

8 تعليق 2,931 مشاهدة

شاركي في النقاش

سجلي الدخول لإضافة تعليق.

التعليقات

7
  1. اول شي روحي لهلك او ببيتك لحالك وتعلمي الرقص افتحي بالنت كيف الهز وتعلمي مثلهم ثانياحاولي انك تتغلبين ع نفسك وتكونين قويه وواثقه من نفسك

    قدام زوجك ولا غمضي لاتشوفينه وهو يناظرك او اعتبريه مو مو موجود ترا بس مرتين وبعدها خلاص ترقصين عنده بدون حيا انا سويت نفس الطريقه والحين عادي ارقص عنده واغمز له وهو مبسووووووط
  2. راح تتعلميييييين وتعرفيييين شوفي انا ماكنت احب الرقص بس السنه اللي فاتت بديت فتره ارقص وربي ضبطتهاا وصرت ارقص بالزواجات وحلو حتى امي فيه رقصات ماكانت تعرف لها وتعلمت عليها الين اتقنتهاااا كل يوم قفلي ع نفسك الغرفه وارقصي ليين تتعلمي مافيه شي صعب وكلنا تعلمنا بالتدريب يلا عاد تدربي واصدمييه بالرقص 👌🏻😂
  3. @s_a_m_a_r

    حبيبتي لازم تتعلمين عشان تملين عينه ..
    بتخرفنينه و يتعلّق فيك حيل ..
    فتحي اليوتيوب .. ابحثي من هنا و من هنا ..
    اتلحلحي تحركي لا تقولين ماعرف حاولي و مع
    الوقت بتتحسنين ..
  4. @am_flan_6

    والله اجل انا اعلمك
    ان ماعطيتيه اللي يبي بتزوغ عينه
    او بيمل منك ويضطهد منك

    افصخي ثوب الحيا خلك مهبوله سايري هواه
    خلي الرومانسيه بوقتها
    وعطيه جوه
    تعلمي الرقص مب شى صعب حاولي مره مرتين لين تتقنينه
    والله ينولك مرادك ويسخره لك ومايشوف غيرك يارب

تابعي تجارب أخرى من هذا القسم.