ملف التباشير الأول لمواليد نوفمبر & ديسمبر ٢٠١٧ ❤️

لا حول ولا قوة إلا بالله
الله بجعلها شفيعة لج و يظم أجرج و يسهل عليج ولادتج

وياج يا رب ❤️❤️❤️

بناتات بسولف لكم شوي
هذا انا الله يسلمكم ما شاء الله طويلة
طولي تبارك الله حول ١٨٠ و ريلي قريب المترين
ما شاء الله


وبناتي الثنتين طوال ما شاء الله تبارك


المهم انا بالعادة أمزح مع الكل
يعني مع القصيرة بالذات
خاصة مرت أخوي
هي حبيبة الله حق بس قصيرة وايد

ف دايما أحط على طولها و و تحط هي على طولي
هي مقتنعة بطولها بالعكس تقول تكره طولي
المهم اليوم و هاي ثاني مرة تصير
كنا نتمصخر ما أدري شو قلت لها
چان تقول لي إن شاء الله الولد إللي في بطنج يطلع قصير

و هو يكون أقصر واحد بينكم و خواته البنات أطول منه



انا هاي ثاني مرة تقولها لي


ما حبيت والله ونبهتها و قلت لها لا تقولين
تشوفونها عادي ولا لأ

و خايفة والله دعوتها أو حوبتها
لأن دايم داااايم نتمصخر بس ما كنت أتوقع إنها تزعل
لأنها هي بالعكس كانت تتطنز على طولي

زينه ونحول وسامي نور عيني مبروك الله يجعلهم من مواليد السعاده
ستار الله يعوضك بخير منها عاجلا غير اجل
بالنسبه لي انا بالاسبوع 33 وحاسه بالام طلق كل 3 الى 4 ساعات والله خايفه وماسكه قلبي ولاداتي السابقه كان فيها اكشنات وتكون قبل مااكمل التاسع باسبوعين او ثلاث وكلها صعبه دعواتكم صاير عندي فوبيا لايصير لي اكشن مو مستعده له مثل ولادتي الثانيه ولدت وانا مو مجهزه شيء :)

صراحه مااحب التريقه لان اختي كانت تتريق على عيني لاني الوحيده من بين خواتي عيني مسحوبه شوي وهم ماشاء الله عيونهم واسعه وسبحان الله جاء نصيبها من واحد عيونه مسحوبه وعيالها كلهم عيونهم مسحوبه حتى انا لو مثلا اتريقت على وحده احس تصير فيني بالمستقبل فصايره اسكت خوفا من الحوبه