ملف التباشير الأول لمواليد نوفمبر & ديسمبر ٢٠١٧ ❤️

مساكم الله بالخير ياجماعة 💖


اه الحمدلله على كل حال
كان عندنا حالة وفاة بنت غااااالية على قلبي وظليت فترة مو مستوعبة تعبانة نفسيتي خاصة انها وفاتها جات فجأة الله يرحمها ويغمد روحها الجنة..
صدق الدنيا ماتسوى الزعل ونضيعها عالقيل والقال
الوحدة فينا تشتغل لنفسها ويادوب تلحق وتحافظ على دينها لا تفتن فيه او تتغير عنه
ربي يرحمنا برحمته

دلولة حبي ترا الحرارة مو زينة لك
روحي الطبيب خذي لك علاج
واذا ماتحبين الأدوية نفس حالتي
سوي لك بالبيت غرغرة مكونة من شاي احمر قاتم وعصير ليمونة تغرغري فيه كل ساعة ممتاز للاحتقان يعالجه لك وبالتالي تروح الحرارة .
وعندك مشروب الزنجبيل والليمون
او نعناع وليمون
الاعشاب هذي تريح وتخفف اعراض الانفلونزا ..
سلامتك قدامك وطمنينا عليك وعلى عيالك

المشتريات اللي عرضتوها شي جميل واناااقة ماشالله
ربي يهنيكم ويبلغكم بعيالكم بصحة وسلامة ..


امس اخيييرا حجزت ضيافتي للاستقبال
اخترت الشوكليت وطلبت 3 انواع مشروبات شتوية بما انه الولادة بعز الشتا ..
بالاضافة للشاي والقهوة العربية هذي اساسية طبعا ..
وبس الحمدلله هم وانزااح
باقي لي المفرش حقي باخذ شي اقدر استعمله بعدين ولا يظل مركون بالمخزن وجااري البحث هالايام ..


بس هذا اللي جهزته
باقي تجهيز البيبي وعيالي للشتا وتجهيزي انا بجايم وكذا
ربي يكون بالعون ..




بصمة ما وصلت خادمتك ؟؟

مرحبا
شلونكم بنات
نسيت لا اقول لكم
طلع معاي تكلس بالمشيمة من الكالسيوم
قالت لي الدكتورة لما دخلت الطوارئ
و دكتورتي كلش ما جابت طاري
خايفه دعواتكم

عظم الله اجركم واحسن الله عزائكم الله يغفرلها ويرحمها

ممكن تقولين لنا من وين اخذتي تشوكليت وكم صينيه تختارون؟