شاركي في النقاش

سجلي الدخول لإضافة تعليق.

التعليقات

1,992

  1. @yasmyn_alfysl

    سمــاآاآ
    الحمدلله الذي بنعمته تتم الصالحات ابشركم رزقت بمولودة صباح اليوم الساعة ٦:٢٥ وكانت ولادتي طبيعية ميسرة مع انه احر طلق مر علي ولكن ياربي لك الحمد تسهلت بفضله وكرمه ،، ارتاح وارجع اقولكم اكشني
    الحمدلله على سلامتك ومبروك البنوتة 💜
    ننتظر الاكشن😊

  2. @aaamloa_llakhr

    بنات اللي عملتوا قيصري متى تقدروا تجلسوا عالأرض ؟؟ و عادي نعمل تمارين كيجل أنا أتوقع مالها علاقة بالقيصري بس حابه أتأكد ؟؟؟

  5. @smaaaa_8

    صباح الخير ،، الله يبارك فيكم جميعاً ويهون على الباقين يا رب ،، بما اني باقي بالمستشفى وبنتي نايمة بقولكم الاكشن قبل انشغل ،، قبل يومين قلت لكم اني معي طلق مو منتظم بس كان قوي بس لما نمت الفجر صحيت ظهر السبت مافيني شي بس الم فالظهر يجي ويروح حسيت اني مو مطولة المهم هجمت ع صالة الاستقبال عندي وهاتك يا فرك بالبلاط وزوجي وبناتي يهاوشون يخافون ازلق مدري شفيني حاسة ودي اسوي شي عشان انسى الولادة ههههع وقريت ان من علامات الولادة الرغبة في التنظيف😂 مدري وش هالعلامة الشاطحة ،، المهم مالكم بالطويلة بعد العشاء بدا يجيني طلق منتظم كل ربع ساعه بس كانت شدته بالتدريج بالبداية كان محتمل بعدين ع الساعه ١٢ بدا الجد كل ١٠ دقايق ومرة يألم خذيت كوب من خلطة التميز مع سبع تمرات وخذيت مويه وقريت فيها اوراد الولادة وسورة مريم وطلعت برا بالحوش امشي وكنت اقول لاخواتي هالمرة ماراح اروح الا واصلة حدي مابي كشفيات وجهاز التخطيط مرة اكرهه المهم اني صبرت صبرت والالم يزيد كنت ناوية اصبر الين يطلعون عيالي مدارسهم بس مع اذان الفجر خلااااص الالم كل ٣ دقايق واكلم اختي واصحي زوجي واختي تقول اصبري لاتستعجلين قلت اقول البسي عباتك قبل اولد عليكم بالبيت فعلاً اول مرة احس نفسي خلااص بولد دايم استعجل ماتحمل الالم اروح للمستشفى مع ان مستشفى منطقتنا لافيه ابرة ظهر ولايعطون مسكنات ولاشي يخلونك تواجهين مصيرك لين تولدين 💔 لبست عباتي وانتظر زوجي يصلي ودعيت ان ربي يهون علي ويسخر لي دكتورة وممرضة حليوة والحمدلله ربي استجاب لي ، طلعت للمستشفى والله يابنات اول مادخلت وفسخت عباتي جثيت ع ركبي من شدة الطلق حاااااار مرة اتوقع من المرة لاني كنت مذوبتها بماء وانا بالبيت وشربت منها المهم وتشيلني الممرضة وتكشف قالت ٦ يلا ولادة وفتحت الموية وقربت اغراضها وانا اصرخ من الالم حاولت اضبط تنفسي بس ماقدرت كنت ببداية الطلق اطبق التنفس الصحيح وساعدني كثييير بس مع اللحظات الاخيرة يشتد الالم وتضيع العلوم 😓 بالاخير دفعت مرتين مافيه امل مع اني احس بالراس قامت الممرضة وقصت والحمدلله طلعت بنتي ياربي لك الحمد ع نعمك الكثيرة مهما تعددت النعم هذي اللحظة من اعظم النعم شعور الخلاص وفرحة شوفة النونو بالسلامة تهون عندك كل الالام والاوجاع الله لايحرم كل مسلمة هالشعور ،، طلعت بنتي ٣ كيلو ونص وكانت مسمرة ومابكت ع طول خفت عليها قالوا لاعادي عشانها شوي اختنقت وقت الخروج ،، الحين الحمدلله وضعها مستقر بس انا ذبحني المغص قطع بطني اللي عندها حل تفيدني شربت مشروبات دافيه وعطوني حبوب مسكنة بس مافي فايدة ،، ومشكورين مقدماً طولت عليكم بس انا احب الاكشنات بالتفصيل واسترسلت بالهرج 😅

تابعي تجارب أخرى من هذا القسم.