الدش في البيت

الحمدلله ماعندي الا قناة المجد بقنواتها التسع وبس

عندي دش مفتوح كل المحطات فيه وموجود فيه كل الاقمار الاجنبية والعربية بس ما ركبناه فترة قصيرة صرنا نشوف محطات علنية ومناااظر مقرفة استغفر الله فلغيبنا مبااشرة قمر الهوت بيرد وشفرنا كل المحطات يلي لقيناها فيها هالقرف والحمدلله كانت البادرة من زوجي طلب من موظف الشركة يجي ولغوا كل شي

وش دعوئ ليش مافيه تفاعل مع الموضوع مع انه موضوع حساس شوي وياما بيوت خربت بسببه ولا انا مكبره الموضوع وش رايكم ؟؟

اتوقع إنه هالحين صار الدش في كل بيت
وليست القضية هل عندك أولا؟
القضية ياعزيزتي هو كيفية استخدامه الصحيح وتوجيهه الوجهة الخيرة

انا بقولك انا عندي دش ومتنوع بعد يعني تشكيله عربسات على نايل سات على هوت بيرد
بس هوت بيرد لغيناه لان مافيه شي مفيد ولا زين بالعكس كله وصاخه وقلت ادب واشياء الله لايوريك وطبعا احنا فصلنا السلك حق القمر هذا نهائيا بس الحين عندنا عربسات ونايل سات
وزي كل مافيه شي مفيد في الضار لان مافيه شي كامل لان لكل شي مضار
فالدش على حسب مستخدمه الي يبي الخير فيه والي يبي الشين فيه يعني على حسب مركب الدش
مثلا تستفيدين من الطبخ والبرامج الدينيه والثقافيه والتوعويه يعني فيه فوائد
وزي مايحرق اعصابك القنوات الي صارت مستحوذه اكبر مساحه من الدش قنوات الاغاني الي مالها عدد وكل يوم تلاقين وحده جديده بس الحمد للله ماطلع فيها واصلا لما اسمع اغني يجيني صداع ومايروح لين اسمع قران
وشوفي الحين في الدش في قنوات اعتدق اربع اوخمس بس للقران
غير القنوات الدينيه غير القنوات المنوعه الي فيه برامج حلوه ولو تقرين موضوع كانت وحده من البنات كاتبته في المجلس العام عن البرامج الي يتابعونها البنات في الدش تلاقين اكثرها
برامج دينيه وثقافيه وقصص ومواقف وغيرها
يعني الدش بعض الاحيان مفيد عكس البنات الي تقول التلفزون مادخله بيتى بينما النت عادي
بالعكس كلهم سوا مثل ماهذا تستخدمه في الخير الدش نفس الشي بس ناس تشوف ان الدش دمار
مع ان هذا يرجع مثل ماقلت لصاحبه
يعني بماكان الواحد يحدد القنوات الي يحب يشوفها رغم ان الي غاثنا الحين هو الدعايات الي بين البرامج صارت كلها حريم ويساتر تعالي على المياعه واللبس الي يالله يستر جزء بسيط من جزمها الي مو مستر اكثر من المستر وصارو يروةجون الدعايات وخصوصا الي فيها بنات بس حنا خلاص بس تجي اعلانات نقلب القناه قرفنا من اشكالهم

وانتظر راي البنت الي ضد الدش رغم اني ماني معهم ليه حتى التلفزون ماتدخله بيتها من كثر حرصا على عيالها وبكذا تخلي عند ولدها فضول كبير او بنتها يعرف ليش مادخلوا هذا الجهاز
واكبر مثل حماتي صاحب البيت رافض يدخلون دش وبعد فتر اكتشفوا ان ولد صاحب البيت موصله سلك وابوه مايدري وطلبوا منها يعطيهم وصله رغم المحاولات مع جارهم بس رافض ابد يقول ان حلفت وخلاص
وهذاهم مركبينه ومايدري عنهم حتى عياله الي في البيت يعرفون وماقلوله لان صار عندهم فضول ليش ابونا مانعه عنا
وبكذا وصل فيهم يكذبون على اهلهم
وان اشوف انه غلط ليه ابيكم تقنعوني بعدم وجود الدش في البيت

ايه تذكرت الحين صار هم اتلناس قنوات الخاصه بالسهم حريم ورجال وحتى اطفال
عشان يعرفون نفسيت ابوهم متى يقدرون يتكلمون معه لان الناس صار حسب السوق
اذا اخضر وناسه واذا احمر تلاقين البيت هدو خوفا من الهواش

خلاص ماخليت شي للبنات يقولون
شكلي بصير فيلسوفه على غفله
سلام