طاحت رجولي في السوق ادور لبس العيد

السلام عليكم خواتي الغوالي في هذا المنتدى الغالي اللي استفدت منه الشي الكثير كله بفضل الله ثم فضل العضوات المشاركات فيه
ما اطول عليكم خواتي شريتوا للعيد ولا لسه مثلي السنه هاذي شكلي ماني متعيده او بلبس اي لبس في دولابي بصراحه طاحت رجولي ومليت ما لقيت شي زين يستاهل مدري هالسنه احس السوق كله خلاقين ما شفت شي يفتح نفسي مدري انتم مثلي
والقهر كل القهر عيدنا كبير وفيه جمع وعالم ودنيا يعني فشله لازم اكشخ بس مالقيت شي :(
تكفون بنات طالبتكم الي لقت شي حلو تعلمني وين وقولوا لي وش الموضه هالسنه والالوان الدارجه والمحلات الحلوه الي فيها الزين بشرط يكون رسمي شوي وبسيط لاني مليت من المبالغه والفخفخه الزايده واخرتها البسه يوم العيد ولاعاد البسه في الزيارات العاديه اقول ما يناسب ابي شي استفيد منه وليت يكون سعره طبيعي لاني ناويه هالسنه اقتصد حرام والله اسرف في لبس يوم وينتهي وقولي المحلات الزينه
اختكم طراره وتشرط ليتكم تردون علي لو جبر خاطر وما تطنشوني مع اني تعودت على التطنيش منكم احيانا الله يسامحكم والله يجزاها خير الي ترد علي لوبكلمه وينوي لها الي في بالها
وسلامتكم

23 تعليق 3,106 مشاهدة

شاركي في النقاش

سجلي الدخول لإضافة تعليق.

التعليقات

22
  1. @rshf_hnyn

    الحين موضة الفساتين

    شووفي عندكم اسوواق حلوووه
    اكيد بتلاقين شيء مناسب
    اوهم شيء البساطه واللوك للشعر والميك اب
  2. @kos_frh

    اختي انا رجت لرويال مول من فترة وتافجأت بمحلات نسائية باالدور الثاني مررة حلوة بضاعتها واسعارها مو ثابتة زي الماركات لا ممكن تنزل لك
    وفيه محل بالدور الثاني بس مااتذكر اسمه اظن فيه كلمة ذهبية او حاجة زي كذا نسائي اتلاقيها انا رحت وكانت صاحبة المحل موجودة وقالت ممكن حتى اجيب قماش وتخيط نفس القطعة
    لفت نظري عندها قطع جلدية مرسوم عليها والحلو الموديل مو منتشر وحلو كمان
  3. @mshklty_dloaah

    انا بعد شكلي هالعيد ما بعيد ولا بلبس شي يديد

    لاني سرت وافتريت وما حصلت شي عيبني ..

    واللي شفتهم المره اللي طافت ما حصلتهم هالمره .. يعني هالعيد

    بتم رااااااااقده فغرفتي ما بطلع مكان ولا حد بيشوفني

تابعي تجارب أخرى من هذا القسم.