بنااات خااااايفة مررره .. رجعت من عزا ؟؟

فعلا. والله يزعلون عليكي فتره. وبعدها. يكملون حياه ولا كانه صاير شي. سفر وعزايم ورحلات.

صادقه والله انا كنت دايما افكر كذا واقول ياترى بيجي رمضان الجاي وانا موجوده ولا لا كنت دايما افكر بالموت وكنت اذكر زوجي الله يرحمه معي كنت دايم اتخايل انو انا الي بموت وفجأه وبدون اي مقدمات ولاسابق انذار بدون اي مرض ولاتعب جاء الموت وخطف شريك عمري زوجي حبيبي الله يرحمه برحمته الواسعه كنت افكر دايم بالموت وماتوقعت زوجي الي بيموت قبلي شفتو كيف ي بنات الدنيا ماتدوم لأحد والله اني كنت انسانه زيي زي الناس الباقيه الي ملتهيه بالدنيا اكل شرب نظافه كشخات طلعات سوالف تفكير في بكره وبعده كله كوم ومواقع التواصل كوم لحالها سناب شات وغيره والله ي بنات اني حزنانه ع زوجي انو جاه الموت فجأه كان انسان عادي يفكر في المشاريع وش بيسوي في هالدنيا وكنت دايم انا اذكره بالموت عشان يخف انشغاله في هالدنيا وفعلا صار احساسي في محله جاه الموت فجأه وهو نايم والله صحاني من النوم عشان اشوف مصارعته مع السكرات آه ي بنات شي ماينوصف ادعولي انو الله يربط ع قلبي انا كل ماشفت موضوع عن الموت دخلت وشاركت عشان اخلي غيري يستفيد ويصحى من الغلفه مثل ماصحيت انا فعلا حسيت هالدنيا تافهه ماتسوى شي الحين يوم جتني المصيبه تقربت من الله وعرفت وش هي الحياه الحقيقيه واول ماكنت احس بهالاحساس خير شر بس تفكيري بهالدنيا ادعولزوجي حبيبي بالرحمه والغفران والعتق من النيران كلها ايام واطلع من العده ودعواتكم لي انو الله يغير من حالي إلى حال افظل

رفع

ياقلبي انتي هوني على نفسك
لانفسنا حق علينا ننبسط ونسولف ونتقوى بهالدنيا وماننسى حق الله علينا وبس
ذكرتيني ب امي و عمتي نفس تفكيرك
جدتي ام امي توفت شهر 11 وحزننا حزن عظيم وخاصه انا حزنت لان موتها بسبب مرض السرطان مثلي يعني،
المهم جاء عيد الاضحى واول يوم رحت لامي وشغلت شيلات وارقص وانبسط وانا احس بحراااااره فرقى جدتي واني يمكن ب الحقها باي لحظه بس اجبر نفسي ان عيدنا حلالنا ولازم ننبسط فيها بس امي زعلت قالت جدتك لها شهر من توفت المفروض ماتشغلين لعب قلت لها لو تدرين الحرقه اللي بقلبي عليها وعلى صحتي كان حلفتي عليه ارقص يوميا المهم انها اقتنعت وودتنا شاليه نمنا فيه 3 يوم 😂

وربي صادقه انا بعد قبل فتره رحت عزا وقسم يابنات امهم الميته جالسين ومتكشخين ومكياج ويشرون قهوه
وياكلون حلا

وصدق انا نزلت موضوع كلهم هجمو وتقتلوا معي هههههههههههههه