متزوجه وأبغى اتطلق خلاص تعبت

الله يفرج همك ويساعدك ويدلك ع الصواب يارب

حبيبتي الله يلطف بحالك ويجبر قلبك
نصيحتي لك لاتفكرين ابدا بالطلاق لانه مهما قررتي الطلاق وتم راح يحسب ضدك سواء من اهلك او المجتمع وانت عارفه هذا الشي والطلاق مهما يكون حل الا ان له تبعات
فانا اشور عليك انك تتحملين لأجل اولادك
اشتغلي اي وظيفه في قطاع خاص واصرفي ع نفسك وهو يصرف ع اولاده اذا مايبي يصرف عليك
ومن اليوم ورايح ابدا ابدا لاتفكرين تساعدينه باي شي مصيره يصرف مشكلتك عودتيه انت ع الصرفيه وهذا اكبر غلط
انا من ناحيه الامور الخاصه هذا حقك الشرعي ولااختلفنا لكن نصيحه لاتخلينه اكبر همك اللقاء القادم اظهري كل ماعندك خليه ماينسى هذا اللقاء وهو اكيد يبعد عنك فترات لانه حاس بالضعف فانت اذا ماهو قادر يروح يراجع او انه رافض ممكن تطعمين اكله بالمكملات الغذائيه اللي ممكن تثيره
والله يسر امورك دعواتك لي بالذريه الطيبه

و عليكم السلام ورحمةالله وبركاته..

شوفي ياأختي بقولك *رأيي الشخصي*
إذا محاسن زوجك أكثر من عيوبه ، و عيوبه فقط اللي ذكرتي مو مدمن او على علاقات محرمه ومايضربك ، لا تطلقي ولا حتى يجي على بالك الطلاق، متفهمه مشاعرك كأنثى و حاسه بإحساسك و قهرك وحاسه بزوجك المسكين هذا الشيء ابتلاء ولا هو بيده إذا عايرتيه أو صار هالشيء ثغره بحياتكم عمره ماراح يتم هالشيء وإذا دققتي و صار كل كلامك واهتمامك هالشيء بتتعب نفسيته ويزداد الأمر سؤ و توترينه ، اول علاج وهو صعب لكن بينفع لمثل حالة زوجك وراح يتغير ميه بالميه لو نفذتي هالشيء بس الصبر منك ، انسسي موضوع الجنس والعلاقة لفتره عيشي معاه حياه طبيعيه سوالف وضحك و اجواء هاديه داخل بيتكم .. شيلي من راسك تقصيره بالعلاقه ولا تحسسينه انه مقصر خليك سعيده مع نفسك وانسي موضوع زوجك ألبسي أجمل ماعندك واهتمي بأدق تفاصيلك وشخصيتك و استمري على كذا ولا تنتظري منه أي إطراء ولا تتغيري وتهملي من نفسك عشانه، وعلى فكره ** البرود الجنسي صار مشكلة ل أغلب الرجال بالعالم ** وحتى النساء أكلنا مو صحي الدجاج كله هرمونات تسبب الضعف الجنسي
لكن انا مؤمنه ان الرغبه مايجيها الفتور لاصارت القلوب على بعضها (بشعور صادق)و النفسيه حلوه بين الطرفين متسامحين متسالمين بقرارة أنفسهم ، لا تجرحينه ولا يجرحك


Sent from my SM-G925F using عالم حواء mobile app

سبحان الله الحريم يختلفون في الي العلاقه عندها مو مهما وفي الي مهما صعبه زي مو صعبه علي الرجل الي يتحمل زوجته ومرضها وله رغبه ويتم منعه من الزواج لو كان زوجك يحاول يتعالج واخلاقه كويسه ويصرف علييك وهذي بس مشكلته كان تحملتي اذا وصلتي لمرحله الطلاق مره ثانيه حاولي تدبري لك وظيفه عيالك يكونو معك وابوهم يصرف عليهم يككون افضل لانو كثره المشاكل والمشاحانات يتاثر عل اولاد

معليش ياقلبي بعد ماشبعتي منه جيتي تتحججي باعذار كلها تتصلح
اولا انتي عندك اطفال وثانيا الحياه الزوجيه ماهي كلها جنس ياعيوني واما مساله المصروف انتي الي عودتيه
فل نفترض انك اطلقتي واخذتي واحد ثاني وقايم بواجباته معك اخر اليل لكن ان لسانه زفر وقليل ادب وش المهم عندك الجنس ولاالكرامه واحتوا اطفالك
واكيد عمرك ماهو صغير كم سنه يقل شعور الشهوه عندك امسكي بيتك واطفالك واتقى الله في الضعيف الي عندك وربي اني اقرا قصتك اني رحمته احسك زي انسه منشن الي بسالي اذا جاء اخر اليل توهق الرجال يختى خليك يسره مع الرجال وانسي الموضوع وغيري من حالك اول قبل زوجك امكن كل البلا فيك انتي وتعقد الرجال لاتضلمين الرجال ابو عيالك حرام عليك دامه لاضربك ولا قل ادبه عليك اصبري وادعي ربي لعيون اطفالك