التجمع ( 37 ) لأجمل حوامل وأمهات توأم👩‍👦‍

تسالي طبيبك أفضل..

صباح الخير اخباركم انا اخر اخباري كل يوم موعد من الاحد لين اليوم
سويت فحص السكر وطبيعي ولله الحمد والغدة رجعت طبيعيه بس باقي الهرمون المحفز قاعدين يراقبونه لين قبل الولاده دمي للحين نازل وفيتامين بي 12 نازل مع اني كنت اخذ فوليك أسيد من قبل العمليه لين الرابع وخذيت فيتامينات الحمل الاسبوع الجاي عندي موعد بنحدد كل شي باْذن الله موعد الولاده واذا انا ابي طبيعي ممكن يعطوني مجال بس انا من دخلوني غرفة الولاده الاسبوع اللي طاف قلت مابي اجرب طبيعي خلاص هونت مت من الخوف 😭😭

يا ربي رحمتك فعلا الطبيعي مرعب رعب غير يدهم اللي يخوقون ويخربطون وانتي حدك طلق مالك خلقهم
بس تحملي ترا حرارة الالم اول ساعه عقب يصير عندك مثل التبلد يحتمي سبحان الله كذا كلام من جربت طبيعي وتحت مايحسون اذا حمى الطلق
بس ارحم لك من العمليه عذاب بمعنى الكلمه انا مرتين قيصري بصدق مريحه مافيها اكشن ومغص مثل الطلق وخوق ونخش ووجع بس فيها تعالي تحركي يادوب تتحركين مع كل حركه الم شديد يعني الم جرح مب الم طلق فهمتي وانتي استخيري وصدقيني الخيره في ما يختاره ربي لك سبحانه

الله يبارك فيكم جميع يبنات وعقبالكم الله يقومكم بالسلامه
انصحكم اللي عندها فرصه للطبيعي تولد طبيعي احسن والله العمليه موت بمعنى الكلمه الم الجرح فظيع خاصه اول مايروح البنج الله لايوريكم الالم اللي جاني عطوني مسكنات وابر ومضاد ومافادت الله يكتب الاجر ويبعدكم عن العمليات ويكتب لك اللي فيه الخير

هلا ندوشة انا ماقد جربت العملية جربت الطبيعيوالله بعد موت خاصة اذا فيه غرز تحت تخيلي زي العملية بس في مكان صعب ماتقدرين تجلسين اسبوع وانتي تعانين وبعضهم يلتهب الجرح وتفك الغرز ويعيدونها لها والله عذاب الله يكتب الاجر لكل الامهات ❤️

بس فوق كل هذا يضل اسم عملية مرعب الله يختارلنا ولا يخيرنا