💕🍼تجمع أمهات مواليد سبتمبر9🍼وأكتوبر10🍼2017🍼💕

ياسمين وبقية الأخوات أحتاج مساعدتكم بمشكلة عندي
بنتي ما تعرف كيف تلتقم الصدر عندي رغم اني حاولت بالطرق اللي أشوفها بالصور والنت لكنها مرة ما عندها وقت على طول ترجع لسانها لوراء وتصيح لين يتقطع قلبي
أنا مقتنعة تمامًا بالرضاعة الطبيعية وكل شهور الحمل وأنا أقرأ وأقرأ لين تشبعت
ويوم جاء التنفيذ انصدمت بالواقع
الحمد لله الحليب أحس انه موجود ويمشي الوضع لكنها ما تحاول تمسك حتى
على طول تجيها نوبة بكاء شديدة
هالموضوع أثر مرة مرة على نفسيتي وصرت أبكي بكل محاولة وبكل مرة أتذكر وبكل مرة أعطيها صناعي وكل ما قلت لأحد
أحس الموضوع أثر على نفسيتي أحيانًا أحس إنه بيجيب لي اكتئاب
أعرف إن البديل الصناعي موجود ولا ضر الناس
لكن أنا مرة يفرق معي معنويًا إني أرضع
دورت لجان دعم رضاعة طبيعية بالرياض ما لقيت.. أحتاج أحد أعرض عليه وضعي عمليًا ويساعدني.
ما أدري إذا تعرفون جهة معينة لمثل هالحالات سواء مستشفى أو مستوصف أو مجموعة متطوعات

بالنسبة للخياطة كثير تكلموا عن ميبو وفيسودين البرتقالي
ما ادري كل واحد يستخدم لحاله أو اخلطهم مرة وحدة؟

حبيبتي أنتي حاولي تضغطي عالحلمة بيدك و حطيها في فمها أكثر من مره راح يزبط معاك أنا في البداية محاولات حتى عرفت تمسك صدري و ليومك لما تمسكه و ماينزل لها حليب تفكه و تبكي اصير انا اضغط و اذا نزل حليب حطيته بفمها و ترضع عادي

فيه بالمراكز الصحية الحكومية تثقيف بالرضاعة الطبيعية وممرضات يعلمونك ويشرحون لك كل شي في عيادة الطفل السليم بالمركز
روحي المركز الصحي تبع الحي عندكم وقولي لهم مشكلتك وبيساعدونك ..

انتي لاتتوترين اذا بدت تبكي وماراح يأثر عليها اذا خليتيها شوي بدون رضاعه لانها اذا جوعانه بتعرف تمسكه وانتي لاتخلين صدرك مليان ومتحجر لا اذا كذا مابتقدر تمسكه والله يسرلك ولها يارب