لو مكاني كيف تتصرفين مع زوجك

سلام عليكم
بنات اليوم جوني ضيوف وطبعا كنت متفقة مع زوجي اذا جت عمتي بيكون العشاء مفطح لأنها مادخلت بيتي ابد (العشاء من حسابي ومعطيته بطاقة الصراف)
وقلت اذا ماجت عمتي بس خواتي وبنات عمتي بطلب شيء شاورما او بيتزا بشوف واقولك لأن الضيافة كثير وحسب الجو بطلب
ماجت عمتي وعلى الساعة ٩ يرسل بطلع بعيد بطلب من الرومانسيه نص تيس لكم قلت لاااا ماراح ياكلون البنات
اطلب مشاوي قال لا مايمدي انا بمنطقة برا الرياض الان مااقدر ارجع
انقهررررت منه مررره يدري ان عندي ضيوف قلت بطلب من مطعم قريب بس بطاقتي معه
رحت طبخت العشاء وابد ما استمتعت بالجلسه وشوي تجيني رساله سحب مبلغ من بطاقتي رحت اتصلت قلت خلاص سويت عشاء لا تطلب قال لا هذا لنا انا واخوياي!!!
عطيته بس عشان المفطح مااعرف الزين ووش اطلب
ولو دريت عمتي مو جايه ما عطيته ولا طلبت منه
بالله شسوي فيه كيف اتصرف؟!!!



//// اللي ردوا يقولون ليش تدفعين
معليش راسي براسه ضيوفه يدفع لهم و ضيوفي ادفع لهم ماعندي نظام الصرف عليه وهذا نظامي من اول ماتزوجته
وانا موظفه الحمدلله وراتبي زين ///

34 تعليق 8,374 مشاهدة

شاركي في النقاش

سجلي الدخول لإضافة تعليق.

التعليقات

34
  1. لاحول ولاقوة الابالله
    يقهر يا اختي
    بس لاتسوين مشاكل عشان عشاء
    كان خليتي بطاقتك وطلبتي عشاء من خدمات التوصيل
    يجيبو اللي تبينه الى باب بيتك
  2. @dmoaa_alryad66

    غلطتك ليش تعطينه بطاقته الضيوف في بيته
    ان شاء مو معشيهم بعد
    صعب تناقشينه بالمبلغ بس بعد الحركه هذي خليه يحلم يشوف البطاقه
    وروحي للبنك وغيري الرقم بدون ما تتكلمين وتتمشكلين معاها
    هو استخف فيك وانتي ردي حركته بس بطريقه غير
  3. @sandy_byl_3

    صاحبة الموضوع
    تفاصيل هادئه...
    لاحول ولاقوة الابالله يقهر يا اختي بس لاتسوين مشاكل عشان عشاء كان خليتي بطاقتك وطلبتي عشاء من خدمات التوصيل يجيبو اللي تبينه الى باب بيتك
    كنت ابي مفطح ومااعرف الزين صراحة لازم هو
    وانا مو بخل عليه بس تخيلي الوقت كله اطبخ واخرتها يطلب له هو واصحابه قهرني
  4. @aml_12345_1

    اذا رجع افتحي محفظته بدون ما تسألينه وخذي قد المبلغ اللي سحبه ،، وهذي بطاقتك ولا عاد تعتمدين عليه ،،، الان فيه مطاعم توصل حتى فيه كوازي ومفطح بالتلفون تتفقين معهم

تابعي تجارب أخرى من هذا القسم.