ساعدوني في ضيقتي

غلطانه و مستفزه !
كيف أبوك يبيعك أرض وتحطيها بـ اسم زوجك النذل !!!
أنا مافهمت
هل المبلغ كامل دفعه زوجك على أساس أنتي تسددي بعدين ؟
إذا هو اللي دافع القيمه كامله فالأرض حلاله والدك باع وهو اشترى بما يرضي الله بغض النظر عن إتفاقكم وانك تسددي له بعدين.
أو

أنتي اللي دافعه قيمة الأرض وهو ساهم معاك بجزء منه ؟!
في هالحاله وكلي أبوك و اشتكي عليه وخذي حقك يايرجع حقك أو تسدديه وتاخذي أرضك
ترى مرت علي حالة بيت تقريباً زيك والطرف المتضرر أثبت حقه بشهادة الشهود في المحكمه ورجع له بيته
لاتسكتي عن حقك و لاتزعلي أبوك
والمؤمن القوي خير عند الله من المؤمن الضعيف.
رجال آخر زمن

مافيه حل ي أختي الا اذا زوجك رجع الارض لك برضاه
والورقه اللي موقعين عليها شهود اذا رفعتوا عليه قضيه اطلبوا من القاضي يحلفه باليمين ع الاتفاق اللي مكتوب بالورقه بينكم اذا رفض الحلف القاضي بيثبت لديه ان الاتفاق صحيح وتنحل المشكله اما اذا رفض حلف باليمين انتهى الموضوع مالك شئ
اما في حال ان الورقه موثقه تسترجعين الارض غصب عنه وهذا الخطأ المفروض الزوج و الزوجه كل واحد م له شغل بممتلكات الثاني عشان م احد من الزوجين يستقل الثاني

قصدي اذا حلف باليمين خلاص مالك شئ والله يعوض عليك

السلام عليكم


اكثري من الاستغفار ، يفرج الله عمك باذنه
يفضل ان تستشيرين محامي ، يبحث لك بطرق افضل وحلول للمشكله

رأي شخصي - والشخصيات تختلف - والانسان طبيب نفسه ، وانتي اعرف بالاصلح لك ولحالك :
لو كنت انا ، طلعت نفسي من الموضوع وتركت ابوي يرفع عليه قضية ويتعالجون سوا :)
وانا قاعده ببيتي وابد لا افتح هذا الموضوع مع زوجي ، حتى لو هو فتحه
اذا قال ابوك : اقول مالي دخل !
اذا قال كلميه : رح له كلمه انت .

ابد ، بغاية اللطف ومنتهى راحة البال ، مع كثافة الاعتماد على الله بالاستعانة والتوكل والاستغفار والتضرع والتقوى
ولن يخرجك منها الا رب الارض والسماوات
كم من مشكله تتأزم وتنقطع دونها الاسباب ، وبدعوة تتكسر الروس اليابسه ، وتنفاتح ابواب واسباب وابواب
ثقي بربك و زيّ ماشكيتي لنا هنا ، صلي بالليل ركعتين واشكيه لربك ( من غير ماتدعين عليه ) لان مابيبتلي فيه الا انتي !
حكمه بالشرع سارق اظن والله اعلم ، لان اي مال مسلم بغير رضاه يعتبر سرقه .


والله يفرج همك

شوفوا لكم محامي شاطر