شاركي في النقاش

سجلي الدخول لإضافة تعليق.

التعليقات

1,996
  1. @daaandooon

    ^ دمعة حزن ^
    السلام عليكم وافطار هنيئ ان شالله الجميع بخير انا منيحه الحمد لله :) امبارح كنت في عزومه ... ارتحت من الطبيخ انتو مطرت عندكم ... احنا تلجت امبارح بس ماعلق ذاب علي طول لانه من قبلها كانت مطره سلام هلاء
    السلام عليكم
    واحنا كمان كنا معزومين عند دار سلفي والاكل ما شاء الله كان روعه
    عملولنا كبسه وورق عنب وكوسا ومخشي وتبوله والحلو قطايف وسلفتي التانيه جابت كنافه وانا اخدت عيش السرايا
    حكتلكم قصة حياتي
    اه صح وانجرحت كمان وانا بجلي ويا ساتر قد ما نزل دم
    وشو كمان
    اكتر اشي بحب بالجمعات الاطفال ابن صاحبتي المصريه بجنن كان لاحقني ونازل هبه هبه حكيتله انا مامة هبه صار كل شوي يناديني مامة هبه ههههههههه عسول هالولد عمره سنتين و والمفعوص ما بياكل الاكل الا ازا كان سخن و بحب اللي بحرق يعني سبايسي فوود خخخخخخخخخ
  2. @noonoo_22

    شذى ألورود
    مساء الخير يا صبايا شو هي الادرة يا نونو....اول مرة اسمع فيها
    شذى الإدرة عبارة عن رز بسمتي أو أمريكي ( بسمتي الأفضل ) لونه من لون الكاري , لأنه ما خد لونها و بنحط معها حمص مسلوق و الجاج كمان بكون مع الرز
    طبعا الجاج بنسلق لوحده مع بهاراته و يفضل إنه ينحط معه كاري بحرق
    و بعدين في طنجرة تانية بنحط بندورة مقطعة قطع صغير و فليفلة خضرة و شوية تومة و منضل نقلب فيهم على النار لحد ما يدويوا مع بعض
    و بعدها منحط عليه الرز المنقوع مع الحمص ومنحط عليهم الجاج المسلوق مع مرقته
    و بنطبخ عادي

    طبعا في إله طريقة أصلية إنه لازم ينحط في قدر خاص فيه و بعده في الفرن و على نار هادية بنطبخ


    زهورة إنتو هيك بتعملوها ؟؟؟؟





    سلامتك ألف سلامة يا شذى
    ما عليكي شر
    حاولي ترتاحي
  3. @noonoo_22

    جرح لم يندمل
    اهلا عنودتي 10 حبيبتي انا نازله زياره على العيد ان شاء الله وفي مناسبه لازم اكون فيها جاهزه قبل الكل:hahaha: هههه ماتساليني ليش ؟:) وجزاكي الله خير اهلا noonoo22 يالله جد بتحكي والله فيكي الخير اعطيني المعلومات رقمها ومين فيهم الشاطره…
    حكيتلك مع البنت بس إعتزرت , حكتلي إنه هالفترة فترة عيد و ما بأدر على الشغل البراني
  4. صاحبة الموضوع
    noonoo 22
    شذى الإدرة عبارة عن رز بسمتي أو أمريكي ( بسمتي الأفضل ) لونه من لون الكاري , لأنه ما خد لونها و بنحط معها حمص مسلوق و الجاج كمان بكون مع الرز طبعا الجاج بنسلق لوحده مع بهاراته و يفضل إنه ينحط معه كاري بحرق و بعدين في طنجرة تانية بنحط بندو…
    احنا طريقتنا بتختلف كتير،،،،
    القدر عنا ما بنعملها في البيت بنوديها عند فران و هو بيعملها،،،
    احنا بنحضر كمية الرز اللي بدنا اياها و كمية اللحمة أو الدجاج ( لأنها إما بتكون على لحمه أو دجاج حسب الطلب) و بهارات الرز و اللحمه و سمن هدول كلهم بنحملهم لعند الفران من الصبح و بنوصيه إما على قدره أو تنتين إذا كان في عزومه و بنحكيله راجعين الظهر أو العصر لناخدهم،،
    هلأ رز القدره ما بينتقع، و كمان بنوصي الفران على كمية الملح المطلوبه و السمن كمان، يعني في ناس بحبوها مالحه و السمن بشر شر منها و ناس بحبوها بملح قليل و سمن قليل، و في ناس بتحب اللحمه المدهنه كتير،،،
    هلأ الفران بدوره بكون عنده قدره و هي عباره عن وعاء نحاسي واسع من تحت و كل ما اتجهنا لفوق بتكون أضيق مثل وعاء الفخار اللي بنعمل فيه طبخة الفخاره، و طبعا الرز بيستوي من البخار ، لأنه بغطيها و الفران هو أدرى بكمية المي اللي بحطها، و بتنطبخ في فرن الحطب،،،
    في الوقت المحدد بنروح نجيب القدره و بكون منظرها مشهي كتير و بس بتحبي تاكلي منها على طول من باب القدره بدون ما تسكبيها،،،
    في ناس بتقدم جنبها سلطه و ناس لبن رايب
    و ما بنحط فيها ابدا حمص و لا بندوره و لا غيره من الخضراوات أو الكاري، و الرز اللي بنستخدمه عادة هو رز عادي لا بسمتي و لا أبو كاس و لا غيره من الأسماء المشهوره،،،
    هذه هي القدره الخليليه المشهوره و بتيجي الناس من المناطق التانيه و بتطلبها أو حتى بيحكولك اعزومنا على قدره حتى يتذوقوها لأنها مشهوره كتير،،،
    حتى الناس هلأ في العزايم أو مناسبات العزا بتعمل قدر،،،
  5. صاحبة الموضوع
    شذى ألورود
    انا اليوم والحمدلله ختمت القرآن كنت ناوية اختمه مرتين بس والله ما قدرت كنت وما زلت كتير تعبانة ادعولي بهالايام الفضيلة انه الله يشفيني عندي ديسك في ظهري وكمان واحد في رقبتي وهاليومين موتيني ولا عارف انام ولا اصحى ...أمانة تدعولي بالشفاء و…
    الله يشفيك و يعافيك و يسهل أمورك و يفرجها عليك،،،
    أنا كل ليله و كل وقت بدعيلكم إما بالاسم المستعار أو الصريح:)

تابعي تجارب أخرى من هذا القسم.