بنات عريس ومحتارة ابي مشورتكم لا تخلوني

السلام عليكم ورحمة الله وبركاته
كيف حالكم بنات وحشتوني مررررة
الموضوع واضح من عنوانه !
بنات أنا تقدم لي عريس أصغر مني ب٣ سنوات
وأنا آرملة من ١٣ سنة لكن مو هذي المشكلة
المشكلة إنه جاي يبي يشوفني وأنا شعري مررررة جدا خفيف من قدام فراغات كبيرة ولازم اغطيها بتوبيك
بخليه يشوفني وإن ارتاح لي وتم الموضوع ( هنا أنا محتارة )
هل اعترف له بشعري الخفيف واقوله على مشكلته ؟
والا اسكت ويشوفني بعد الزواج ؟
بنات ساعدوني الرجال شاري وجاد ويبي يتزوج ويرتاح
دلوني الله يسعدكم وش اسوي في مشكلتي هذي ؟
وأنا كمان ابي اعيش وابيه يرتاح معاي ما ابغى اغشه ابيه يدخل بيتي وهو على بينة ووضوح بكل شي
بنات تكفون ساعدوني وعطوني رايكم وحطوا أنفسكم بمكاني
مرررة محتارة وبس افكر ابي اتزوج باقي عمري وارتاح مع انسان يخاف الله
بنات تكفون ريحوا قلبي بعد الله ، أنا تعبني التفكير في هالموضوع
الله لا يحرمكم الأجر يا رب ويسعد كل وحدة ترد عليه وتساعدني
بانتظار آرائكم ..