ملف التباشير الثاني ♥️لمواليد نوفمبر وديسمبر 2017♥️

هلابك ياقلبي ابشرك الحمدلله طلعت وبخير الله يهون عليك وعلى كل البنات جميعا يارب💜

مبروك للي جابو بيبيات
الله يسهل ع الي باقي ينتظرون ❤️
انا بالعاده اجهز شنطتي من بداية الثامن او من نصه اخاف من الولاده المفاجأه

ياقلبي طلعت الحمدلله اصلا شكلهم قالوا عطوهم بنتهم وطلعوهم😂😂 انا وزوجي من العصر عندهم ولا طلعنا الا الساعه ثمانيه ننتظر النتيجه والحمدلله خف

هذا الله يسلمكم يوم السبت اللي راح بعد ماأخذت تهزيئه صباحيه مبكره من دكتورة في مستشفى الحمادي استشارية كنت باخذ إجازه منها قالت لو جيتي الاسبوع الجاي راح امسكك غصب وادخلك ولاده بسبب السكر ودخلت الاسبوع ٤١ في الحمل المهم يوم الاثنين خفت على البنوته ورحت اتابع تخطيط في الطواري الحرس وقالت الدكتوره بسوي كشف اذا مفتوح الرحم ع طول غرفة الولاده واذا مسكر تدخلين تنويم ماقبل الولاده المهم صلحوا لي تحاليل دم وبول والازم منه لقوا نسبة الهميجلوبين نازله يعني في حملي كانت ٩الان اقل بكثير ولازم أخذ كيسين دم وماطلبوا متبرعين الحمدلله المهم سوت كشف لقت الرحم مسكر ومرتفع مره مانزل الجنين للحوض سوت تحريض واعطوني تحميله الساعه سته المغرب يوم الاثنين واعطوني في المغذي بعد طلق يالله اللي في المغذي كأنه نار يوم جت نقط ع جلدي 😣 ولاني على غداي لقوا السكر نازل طلبوا لي اكل ورفض الدكتور قال بتدخل ولاده عطوها بس مغذي وشربوني عصير لان البنوته نايمه ويبونها تحرك الساعه ٩ بالضبط بعد العشاء بدأ الطلق وصار كل ربع ساعه وكشفوا لقوه اربعة سانتي وطلبت ابرة ظهر قالت في غرفة الولاده نعطيك وانا بديت اتوجع شدة التحجر والظهر وركبوا الكيس الاول من الدم وصرت اقول ابغى ابرة ظهر من الألم ويقولون اصبري قلت ماراح اصبر وادعي ربي لكل من يطرأ ع بالي وعلى قروبنا ويعوض اخواتي اللي فقدوا الحمل واهلي وجيراني وارجع ادعي يارب سخرهم لي ويسر لي ابرة الظهر لان الدكتور تبع التخدير عنده اربع عمليات ورا بعض وانا اصيح وادعي وبيركبون قسطرة للبول لان مع الدم والطلق ماقدر اروح لدورة المياه تكرمون قلت والله ماتركبونها الا بعد ابرة الظهر وتجي الدكتوره وادعي لها تكفيييييين ابغى ابرة ظهر صرت كأني طفلة معلقه الي حلاوه 😂 المهم قالت فكونا ودوها وعطوها ابرة ظهر وادخل غرفة الولادة ويتأخر الطبيب حق التخدير وادعي ربي يوقف الالم وسبحان الله راح الالم وربي وبعدها كشفوا علي لقو الرحم سته وجا طبيب التخدير واعطاني ابرة الظهر وخف الالم وقلت الحمدلله تقريبا على الساعه ٣:٣٠ الفجر بدأ طلق الدفع والرحم باقي على سته مافتح والبنوته مانزلت جت دكتورتين ونزلوا الرحم ع تحت وفكت المويه وبديت ادفع ويقولون لسه قلت مو بكيفي فيه شي بيطلع ماصدقوني يقولون لسه والله يابنات الدفع هد حيلي الى الساعه ٦ الصبح بعدها صار الدفع من الخلف ولانهم اهروني بحبوب الحديد طول الحمل ومعاي تكرمون امساك وغلطهم ماعطوني حقنه تنظف البطن صار الدفع خلفي وبعد ماطلع كل شي كان متحجر بالامعاء وضاغط ع الرحم رافض يخليه ينزل ويتعدل راس الجنين اول مانظف بطني والممرضه مو مصدقه اني بولد اول مانظفتني ع طول طلعت بنتي دق الجهاز الا في دقيقه الدكتوره لو مامسكت بنتي كان توهقت الممرضه تجهز ولا تمسكها والحمدلله اول ماطلعت بنتي تبكي مره عيت تسكت مسكينه ضاغطه عليها وانحشرت 😂😂وزعلت وهم يكملون خياطه وينظفون وانا لا ياماما لاتبكين ليه وشفيه انتي عند ماما لاشعور طبعا وبعدها عطوني وحطيتها ع صدري وسكتت ياربي لاتحرم احد من هالشعور زوجي ماعلمته اني دخلت غرفة الولاده مابيه ينشغل وخاصة عيالي معه ووراهم مدارس قلت بدخل غرفة الولاده الصباح والصباح ابشره اني ولدت وقعد يبكي مو مصدق الا يوم صورت له وتوته توته خلصت الحتوته الخلاصة بكتبها لكم تحت 💜

رافض ينسخ ويلصق لاني كاتبه القصه في الملاحظات عشان لو طار الا انسخ بس