وش هالقحط العاطفي اللي اعيشه

كان قلتيله هالموقف عشان ينحرق

الله يحنن قلب زوجك عليك

الزوجة اللي زوجها جاف عاطفياً وتستنى منه يبادر ويتغزل فيها ويدلعها ويغنجها من نفسة اقولها اغسلي يدك

الدلع اللي مايجي من نفسه جيبيه بالحيله

اللحين هو زوجك وانتي زوجتة واكيد في بينكم عشرة وموده حتى لو كان جاف جداً عاطفياً معاك
والحل بعد الله بيدك

اتحايلي عليه بتقولي لي كيف مثال بسيط على سالفة كيس الزباله

اذا انتي خارجه معاه قبل مايقولك جيبي الزباله والحقيني اطلعي انتي قبله وخذي الكيس حطيه قدام باب بينكم واشررررردي على السياره قبل مايناديك
اقرب احتمال انه بينحرج من الجيران وماراح يخلي الكيس وبيشيله ويرميه
واذا جا وركب السياره جنبك على طووول لمسه حلوه على كتفه مع كلام (( الله يعطيك العافيه حبيبي )) (( الله يخليك لي كأنك حاس ان يدي توجعني وشلت الزباله ما انحرم منك ))
ومن هالكلام وكرري الموقف بكل مره تخرجون الى مايترسخ بباله ان مهمة اخراج الزباله من مهامه هو مو من مهامك انتي

واذا خيب ضنك وماشال الزباله لاتشيليها انتي خليها الى ماتعفن وكل يوم ذكريه الجيران تأذو منها الى مايحس



مثال ثاني بما اني سهرانه وفاضيه 😂
يوم انتي بيتك ومشتهيه اكله لذيذه عشا او حلى او حتى جالكسي وودك من ابو الشباب يجيبها ابد امسكي جوالك وعلى الواتس ارسلي ب اسلوبك كلام فيه توكيدات ترسخ بباله مع الايام مثلاً

حبيبتك مشتهيه شي حلو ايش ودك تجبلها ؟؟
مع التكرار بترسخ انك حبيبته بس مو تعتقدي انه بيصير عاشق 😂
لكن راح يتعدل

اذا بيوم طلبتيه طلبات ورفض وزعلتي وقال بلا دلع مو تقولين اذا مادلعتني مين يدلعني لاااااااا حوليهاااااا

قولي لاني اعرف حبيبي يحب يدلعني عشان كذا اتدلع عليك


كل هالكلام قوليه بثقه وبحب مو تصنع تراه حبيبك زوجك شريكك تغيير حياتكم يبغاله مبادره ومو عيب انك تحاولي تلفتي نضره لوجودك اذا كان جاف ومو عاطفي

😂😂😂😂

لي عوده للرد