عند سؤال عن موعد السّونار 🙏🏻

السلام عليكم ♥️
أنا حامل صارلي شهرين وأسبوع
واراجع بمستشفى قوى الأمن
طلبت موعد للسونار واعطتني الموعد بعد 3 شهور يعني أكون بالخامس !! حسيت كثيرة 3 شهور ، يعني ع الاقل تأكديلي أنو فيه نبض والجنين بخير ..
قلت لزوجي نروح خاص بس قال لي أكيد حطت الموعد بعد 3 شهور لمصلحة الجنين وانو خطر عليه من الحين ؟!
فماني عارفة ولا أقدر اصبر وأشوف شيء غريب أول سونار بعد 3 شهور ..
غير كذا ما اعطتني موعد نهائياً لمتابعة الحمل ، يعني تشوفون هالشيء تمام ولا لازم تكون المتابعة شهرياً ؟

14 تعليق 1,486 مشاهدة

شاركي في النقاش

سجلي الدخول لإضافة تعليق.

التعليقات

14
  1. @dlaa2018

    ليش ماقلتي لها انك لسا ماسمعتي النبض .. !
    ضروري السونار فالاسبوع السابع حتى تشوفي وضع الكيس والجنين وسماع النبض .. وتعرفي وضعك ..
    وغريب انها ماكتبت لك على الفوليك ..
    ولازم مراجعه فالشهر الرابع حتى تصرفلك الحبوب المناسبه لك ..
    اما عن ملف متابعة الحمل ماعندي خبره عنه ولا عن المواعيد ..
  2. @aaashk_20

    اي عادي انا ب خاص و صلحوا لي كذا
    بعد كل ثلاث شهور
    لكن ب الثامن كنت بعد كل سبوعين سونار
    و بالتاسع سونار اسبوعياً
  3. الدكتوره هذي مهمله في عملها
    ولا معروف فيه سونار في بداية الحمل للتأكد من سلامة الحمل ووضع الجنين والنبض وبعد كذا كل شهر سونار هذا اضعف الايمان
  4. لازم سونار الاسبوع 6 او 7 للتأكد من الجنين وان فيه نبض وممكن تحتاجين مثبتات مثلا
    وبعدها عادي بعد 3 شهور سونار ثاني ولازم حمض فوليك ضروووري
  5. @maaank_alkhyal

    الحكومي معروف مواعيده تطول بس انتي روحي لمستوصف خاص ولا مستوصف الحي ابحكومي وشيكي على الجنين وخذي العلاجات وكل شي لا تجلسي كذا لين تصيرين بالخامس

تابعي تجارب أخرى من هذا القسم.