شي استفزني بصراحه

السلام عليكم .. مساءكم فل
خواتي انا بطرح عليكم موضوع ونبي نتناقش فيه وهالموضوع بجد بجد مستفزني
مو عشاني انا عشان اصحاب الموضوع نفسهم يحزنوني جدا
الموضوع اني بكل مكان او مواقع تواصل او جمعه قرايب
اشوف لكلك ناس يقولون نبي نشتري ايفونx
ويسالون في تويتر وبكل برنامج
نبي نشتري الايفون بس مامعنا فلوس ونبي محل ييبيعه لنا بالتقسيط
طيب وش حدك ع الدين والتقسيط وش حدك تغير جوالك اذا هو شغال كويس ومافيه عيب
حب مظاهر وفشخره كذابه يعني
تركنا فائده الجوال الاصليه اللي هي تواصل مع الاهل والاقارب والاصدقاء
وصارت حب مظاهر واني امتلك جوال غالي واخر اصدار
ليش صرنا تافههين كذا ومايهمنا الا اكون احسن من فلان واخذ جوال احسن من جواله
ليش ماننافس بعض بشي حلو ومفيد
ليش ننافس بعض بااخر اصدار جوال وهو زيه زي اللي قبله اللهم بس الاسم تغير واللون
و ياليت ياخذه وهو مقتدر يتسلف ويطلب من ذا وذا ويروح مراكز بالتقسيط تاخذ عليه فايده
طيب مامعك لاتشتري لاترهق نفسك بالديون وانت عندك جوال يسدك ومافيه خلل
بالله ايش تعليقكم ع هالموضوع ؟؟؟

52 تعليق 15,730 مشاهدة

شاركي في النقاش

سجلي الدخول لإضافة تعليق.

التعليقات

50
  1. صادقه جواهر معك حق ...انا معي جوال جالكسي
    يوم اروح مدرسه بناتي اسئل عنهم . بناتي يقولون لي يمه لاتطلعين جوالك .ويعطوني جوالاتهم الايفون
    يعني كنه جوالي.هههههه عاد لازم نجاري الزمن الشكوى لله.....منورة ام صيل عودا حميدا ...
  2. @am_asyl1399

    صاحبة الموضوع
    الورده المميزه
    صادقه جواهر معك حق ...انا معي جوال جالكسي يوم اروح مدرسه بناتي اسئل عنهم . بناتي يقولون لي يمه لاتطلعين جوالك .ويعطوني جوالاتهم الايفون يعني كنه جوالي.هههههه عاد لازم نجاري الزمن الشكوى لله.....منورة ام صيل عودا حميدا ...
    من نورك يابعد قلبي
    الله يخليهم لك وتشوفين عيالهم وعيال عيالهم
  3. @am_aamory_18

    الحين بس وقفت على الجوالات ياأم اصيل الحين كل شي فشخره في الضيافه والتكلف في الأثاث في الملابس في كل شي الله يعين بس ...
  4. @khoshyar_hanm

    شوفي با قول لك على هذا الموقف اللي حصل لي
    و قانا عندي جوالين اي فون و حاطه فيه شريحه بيانات و كشاف حاطه فيه شريحتي مخليته للاتصال و المكالمات فقط
    المهم
    رحت لبنتي في المتوسط و بعدين دق جوالي الكشاف و هي واقفه جنبي هي وز ميلاتها وانا طلعته ابي ارد
    اوووف لو تشوفون وجه بنتي و نظراتها لي!!!! و تقوم تغمز لي بعيونها و و تشدق لي ببراطمها تبغاني ادخله الشنطه بسرعه و الله كاني مطلعه من شنطتي سروال و لا سنتيانه😂و شوي طلبتني بعد ما راحوا زميلاتها اني اطلع الاي فون و اخليه في يدي عشان اصلح المصيبه اللي سويتها 😂😂

تابعي تجارب أخرى من هذا القسم.