تصرفات طليقي

تصرفاتكم متناقضه كلكم

احذفي رقمه وخلاص

واشغلي نفسك بشي مفيد لان لو ماشغلتي نفسك وبقي الجوال بيدك راح ترجعين رقمه وتراقبين

وعليكم السلام ورحمة الله وبركاته
حبيبتي الرجال طلعتي من ذمته وانتهت عدة الرجعه
خلاص احذفي رقمه !
وش لك فيه؟
يحط قلوب لزوجته ، يحط حرفها اسمها
هو حر!
خلاص لايحل لك ولاتحلين له
مرحلة بحياتك عشتيها بقدر وانتهت بقدر
والحمدلله مازالت الحياة امامك ، حتى لو في النفس كسر من الطلاق
او ضيق فالله يجبرك والايام تطوي بعض والنفس خلقها الله تنسى
ولا شي اجمل بمثل المحن والابتلاءات والضيقات والتعطل
ان نحولها لمحطات تزود وتقرب الى الله سبحانه وتعالى
فانفعي نفسك غاليتي ..
واسعي الى الله والى الاعمال اللي تنفعك وتقربك الى الله
لان الدنيا زي ماشفتي !
تزوجتي انبسطتي عشتي اكلتي شربتي سافرتي
ثم انتهت هذي الامور ، كذلك كل نعمه مردها تبلى الصحه والشباب والعافيه
فاغنمي لنفسك اشياء تبقى لك اثرها وبركتها لو راحت بقدر او ببلاء ، فهمتي؟
زي الذكر ( الباقيات الصالحات )
التلاوات ، الاخلاص ، اعمال القلوب ترفعك للسماء درجات عند الله
الانسان مجبول على رفعة نفسه ، فلا تنشغلين بامور تافهه

اذا انتهت العدة ، خلاص شيليه بالمره واذكري الامور الطيبه بينكم لابأس ، هذي مواقف ونِعم من الله لك مو من طليقك نفسه
حتى لو عشتوها مع بعض لابأس ، لكن لاتربطينها فيه ، اربطيها بالله المنعم
اللي ارزقك اياها قادر على ان يرزقك بمواقف مثلها وافضل
لكن الامور تمشي بقدر مره حلى ومره مرّ
ولو ماكذا ماعرفنا نعيم الجنه ورغبنا الى الله فيها وماعرفنا مرار الندم والحسره وفهمنا شعور الخاسرين بالاخره
فحبيبتي الغاليه ، كلنا نمر بظروف وتقلبات بهم وابتلاءات
ومره فوق نصير ومره تحت كلنا ..كلنا
لان الكمال عزيز وهو لله ، والاشياء اللي نعيشها مردها تمر وتنتهي
فالزوج يطلق ، ويموت ويمرض ، وتتقلب السعاده لكدر ومشاكل
ويتقلب حاله وممكن يتحول لشخص سيئ لاتربطون حياتكم باحد او شي الا الله وحده
تعيشون النعيم الابدي بالدنيا
ثم البرزخ ثم الاخره
اللي ماجربت تجرب ولاتضيع حياتها سدى تنشغل بفلانه وعلان
وصحون تتكسر وملابس تقدم
وسفرات تبلى ،، الحياة ماشيه امشي بقلبك كمان
لاتخدرينه بخرابيط الدنيا هي حاصله لك حاصله اصلا
* الكلام في القلب حاك ، كتبته للجميع مااخص فيه صاحبة الموضوع
وصلى الله على نبيه محمد واله وصحبه وسلم

نصيحه من قلب القلب واتمنى من قلبي تسويها. تحذفي الواتس من رقمكك هدا وتطلعي جديد. خليه يعرف انك مو حابه تشوفي له ولا يشوف لكي. ياليت والله مو تتحذفي رقمه بس. لا الواتس بكبره وطلعي رقم جديد هدي القوه بعينها اذا صدق مو هامك

مااراح اغير رقمي عشانه ورقمي هذا عندي قبل اتزوجه وكل صحباتي يعرفونه بس فصلت اللي اعطاني هوا

رفع