بنات احتاج مواساه :(

نصيحه طبقي كلامي لانه هو اللي بينفعك بعون ربي
اما سالفت التحلطم وفيني نفس معسره اموري ووو وتضلين بهالقوقعه والحلقه المفرغه ان بغيتي سنين مفتاح الحلقه بيدك ولك الخيار ولا تخلين الحزن يكسر قلبك انتبهي وربي يفرج لك

ما فهمت ويش مشكلتك ..

انا كارهه هاللزواج الللي انحطيت فيه وكنت ادعي اذا كان خير لي يسره واذا شر اصرفه واني في ضيق واكره هالطاري بعدها ... باختصار انجبرت املك على شخص ماابيه ومن بدايه الخطبه رافضه سنة كامله احسب رفض وبالاخير طلع العكس
انصدمت يوم قالي بكرا عقد قرانك كل شيء كان ناقص ندمت ندة لحد الان في ذاك اليوم طبعا مافيه احد اقدر اقوله غيركم .. وهو حتى شوفه رفض ومن حقي وحقه وابوي يقول صعبه اقوله شوف بنتي ! واذا تكلمت قالت امي زين وافق لان مملكه وانفصلت قبل وتقريبا نفس المشكله مع ان والله انخطب من زمان خطبه ويتكنسل ولا يتم شيء حتى الناس اللي كان ودي ارتبط فيهم ماتوقعت ابدا انخطب منهم الا تكنسل الموضوع بسرعه انغبنت
جاء اليوم اللي بملك فيه بسرعه هم مبسوطين يبونه وعشان اهله وعشان الناس بس ماتقول للحين ماتزوجت الله يهدي تفكير ابوي اللي ماخلا القرار لي وما كأنه رجال بعيش حياتي معه
كل شيء ابيه ذاك اليوم ماصار وقعت وطلعت ابكي لان اكره ذاك اليوم مع ان اهله كانو موجدين .... فتره مو مستوعبه الغيت الحفله مابيه اشوفه وحتى صحباتي ماقلت لهم الا بعد فتره وفجآة انصدمو ولا ابي اقولهم ماببيه مابي اكسر خاطرهم ... تعبت نفسيتي خصوصا شفته صور انهرت ماقدرت الرجال ماتقبلته ابد مره ورحت لاخصائيه قالت لي مو حلوه ابد تنفصلين مرتين وبصير كأن فيك سبب
ادري فيه ذنب بحياتي سويته وهذا تكفير له الشكوى لله يضيق صدري اذا تذكرت واحاول اركز بدراستي اخر سنة بالجامعه الحمدالله

اهم شي اشغلي وقتك وحافظي على الطاعات والعبادات وترك المعاصي بكل أشكالها والاستغفار والصلاة على النبي صلى الله عليه وسلم ومساعدة المحتاجين واولهم الاقارب الوالدين ووالخ بالنسبة لزواج استخيري الله يفرج همي وهمك.

حبيبتي تخلصي من التفكير التشاؤمي والرسائل السلبية، أنا خضت مثل تجربتك تماما .. لذلك حاسة بمشاعرك لأني تذوقتها
لكني متيقنة على قدر ما في تجربتي من مرارة وألم إلا إن فيها خير عظيم لي ولو فتحت لي أستار الغيب وانكشفت ما اخترت إلا القدر اللي قدره ربي لي.. هذا أولًا
ثانيًا .. فرقي بين شعور الخوف والمشاعر الطبيعية عند قرب الزواج وبين المشاعر اللي يصير فيها ضيقة وعدم ارتياح وكأن شيء جاثم على صدرك .. فإن كانت المشاعر الثانية هي اللي تعانينها فإياك إياك أن تستمرين في الزواج ولا تقولين أنا منفصلة قبل.. تنفصلين الآن ولا تنفصلين بعدين مطلقة ويكون معك طفل طفلين والنزول من السلم من أدناه أسهل من النزول منه من أعلاه..
وما يمنع إنك تكلمينه أو أبوك يعطيه رقمك يمكن مستحي يطلبه، بتتفتح لك أشياااء كثير إذا كلمتيه ويمكن ترتاحين له ما تدرين..
النقطة الأخييرة، عليك بالدعاء اغتمني أوقات الإجابة وألحي على الله في الدعاء خصوصا عصر الجمعة والثلث الأخير وبين الأذان والإقامة قولي بصدق ياااا رب وفقني إلى المضي في القرار الصحيح، وأكثري الاستخارة وصدقيني الأمر اللي بيتيسر لك زواجك منه وعدمه هو الخير..
الله يشرح صدرك ويرزقك بما يسرك