لو زوجك تزوج عليك وش بتسون...

بنات في شي مهم !!
قال صلى الله عليه وسلم❤ : ( ايما امرأة طلبت الطلاق من غير بأس لم ترح رائحة الجنه ) رواه النسائي
يعني انتي باللخير مو ابخص بمصلحتك من ربك اللي خلقك وعارف اقدارك !!
اكثر اللي تتطلق تبكي ، والله الحسرة بعيونها وتكابر ..وتكابر ..!!
مافيه مشكله !؟
والله يابنات رجالهم طايحين بالحرام ، وساكته وصابره على هالاهانه ، ليش ؟ اهم شي الناس مايدرون
يوم تزوج بالحلال حقها محفوظ يومها محفوظ
حق عيالها محفوظ
بل حتى شرعا البركه لهذا الرجل بنسائه وحلائله موجوده
غير اللي يقز ويطير عيونه بالحريم ، لو زوجته ملكة جمال وعلى مايهوى ماتتبارك بعينه لازم يقز ومايشبع
وين المشكله ؟؟
المشكله اعتقد ان الكثيرات تهتم بصورتها قدانم الناس والشكليات على حساب حياتها الحقيقيه وعلى حساب سعادتها
ماترضى يتزوج عليها ؟؟ مين انتي حتى ماترضين ؟
الله شرّع له .
الله اعلم باللي يناسب خلقه ، وماراح ياخذ ثانيه الا بقدر ومكتوب وخالص
وتطلع بيت اهلها ؟ ترى مايجوز تطلعين بغير اذنه مايحلّ لك
وتخرب بيتها وتتطلق ، وتوهم نفسها بالدراسه والشهاده
كله على كلام فاضي كرامتي ومدري ايش ؟
مين مسك ومس كرامتك ، غريب هذا الموقف مدري كيف متبرمجين عليه انتم !!
حطي عقلك براسك ، تزوج عليك تعالجي مع مشاعرك مع نفسك ومشي حياتك

واكثر اللي درسوا وينهم ؟؟
بياعات ومحاسبات وكاشيرات ونادلات
وماربحوا الا راعيات الهوايات والمبادئ هم اللي سووا مشاريعهم وارتقوا فيها !

ماعندي مشكله بهواياتك ، لكن هذا مو طموح !
ومانكذب على بعض !
انتي وظيفتك الفطريه ام ومربيه صالحه لابنائك
كيف تتركين هذي النعمه لسبب غير مقنع ! وتضيعين النعمه
عشان فهم خاطئ للكرامه والناس السيئه حولك ماتشمت فيه !
واخرتك تصيرين ٩ ساعات تنظفين ارفف ومره زباين ومره هش ذباب
وبكرى مع السواقه ، توصلين طلبه !

وكنتي ببيتك معززه مكرّمه ، ان تزينتي فيه اللي ينظرلك
و ان فضيتي لقيتي وقت لنفسك تطورين مهاراتك وتوصلين احبابك و تسعدين نفسك
النت عندك ببلاش ونفقتك بيدك من غير مذله ببلاش
وعندك عيال تخططين لتربيتهم ومستقبلهم وتراقبين مهاراتهم ونموهم

اي حياة يابنات تدمرونها عشان كلام فاضي
واخرتك تتوظفين بثلاثة الاف ريال ساعات طوال ، وظيفة ماتقدملك كثير لابأخرتك ولا بدنياك
كان عندك فرصه تتخلصين من هذا الموقف المزعج بحياتك وتتجاوزينه
خليتيه حسرة بعمرك تبكينها السنوات وعطلتي حياتك عليه

وبهذلتي نفسك ، ليش ؟

ميه بالميه كلامك صحيح وعلى قد مالأهل طيبين معك ومع عيالك ومكرمينك بس برضو بتكونين بغرفه انتي وياهم بعد ماكنتوا ببيت كامل
وأكيد بيكون فيه تدخلات وبيني وبينكم ليه أحمل أهلي مسؤوليتي ومسؤولية عيالي وأبوهم عايش يسرح ويمرح؟!!

بالنسبه لي بما اني مو موظفه وعندي أطفال ماراح أترك بيتي وأتنازل عن حق عيالي فيه راح أجلس فيه وأطلب مصروف وسواق يقضي مشاويري وأكون على ذمته بس علشان يدخل بيتي بدون إحراج وبأي وقت لكن لا بيننا عشره ولا كلام ولا حتى أبي أشوف وجهه وقتها من شدة الجرح..

الله لايجيب هاليوم ويارب أبقى زوجته الوحيده والله لايحرمنا وجوده ويخليه لنا

حلال ولا حرام محد يرضاها .. وخصوصاً لو كانت الزوجة مو ناقصها شي ولا مقصرة ف حقه وضاع شبابها وهي تضحي وتتحمل .. بس اللي ظروفهم غير مدري عنهم




عموماً : اللهم باعد بيننا وبين الضرة كما باعدت بين المشرق والمغرب

وروح لاهلي وبلشهم بعيالي
تزوج الله ينكد عليه وياها 🤣
اقعد ببيتي مع عيالي وتطلب ودور لي وظيفه عشان اعيش بدونه صححححح وظف عيالي معي بس مامعي وظيفه ماقدر اسوي شي وبلش اهلي بنفسي وعيالي اتحرجن انا وعيالي بغرفه واحده وانا قادره اني اعيش بيت لحالي وعيالي بغرفهم
لا اذا تزوج المهم نفسي وعيالي وهو بالهاوي اللي ماياويه هو وياها ليش اتعب نفسي عشان رجال

لاتتعلقون برجل دوروا راحتكم وعيالكم وعتبروا بنك يصرف عليك وعلى عياله بعدين لا لقيتي لك وظيفه سنعه هنا افكر بنفسي اكثر شي
اقدر اجيب لي بيت ملك واثاث لي ولعيالي