انا زوجي متزوج علي ثانيه
من قبل سنتين قبل ابد موضوعي
ماراح اكذب واقولكم انا ملكة جمال و فيني وفيني
لا والله انا عاديه بس مهتمه بنفسي
بجسمي شكلي اصغر من عمري بكثير اللي يشوفوني
يعطيني ٢٠ مع اني اكبر ب ١٠ سنوات
زوجي قبل سنتين تزوج وحده مابي اغاتبها
بس اتعب وانا اقول مافيها زين ابد
شينه يابنات والله مو قصدي اغتاب
بس مره سمينه ومرهله وكانها بالاربعين
وملامحها اكبر من عمرها بكثيررررر
زوجي جنبها كانه ولدها
لكن المصيبه يحبها بشكل ماتتخيلونه
عشان اكون واقعيه اكثر معكم
زوجي اخذها عن علاقه
ومستغربه كيف صار يحبها لان اعرف نظام زوجي
زوجي عبد للجمال
يموت يموت بشي اسمه جمال وكان محطمني لاني
عاديه
وكنت اذبح نفسي بالاهتمام لعيونه
وانا كنت مقطعه نفسي اهتمام رياضه عطور
مكياج قهاوي والبيت ٢٤ ساعه بيت نظيف
مقدرته ومقدره اهله مع كل هذا خان وتزوجها
يمكن كثير يقولون ليش جالسه عنده
بعد ماتزوج عليك
اقولكم بكل صراحه
ماعندي اهل ولاني موظفه لو اتطلق وين اروح انا
وعيالي
وانا اصلا من بعد ماتزوجها
قلت له اللي بيني وبينك العيال
اكون اكثر واقعيه معكم
صرت ماعطيه وارفض ينام عندي
خلاص تعال شوف العيال واصرف وارجع مكان ماجيت
اللي لاحظته زوجي طاير بالحرمه الجديد
مره اختي وزوجها كانو بالمول وشافتها
اختي هي وزوجي شايل لها الاكياس وضحك وسوالف
وانا بحياتي طلع معي السوق اصلا يرفض ويعصب
والله يابنات اذا جاء لعياله كانه مقروص
ينتظر متى يمشي الوقت عشان يرجع لها
وزوجي كان ٢٤ ساعه برا البيت وبالاستراحه
متخيلين ترك حتى الاستراحه من سنتين
وطول وقته سيارته ببيته مايطلع صاير ابد
بتقولون عادي توه ماله الا سنتين
بقولكم انا من اول شهرين سحب علي
ويطلع ويجلس الى نص اليل
ويرفض يطلع معي ومع العيال وينافخ
والله يابنات اتدكر بعد ولادتي سمنت شوي
وكان يتمسخر ع جسمي مع انه ماوصل ٧٠
وكان يقول وراك كذا سامنه ترا الحرمه اذا خرب جسمها
خلاص
واقسم بالله االلي اخدها يمكن وزنها ٩٠ وقصيره
وواضح فيها السمنه مره
قسم بالله لو ماظلمها قلت ممكن سحر
اعرف شخصيه زوجي
زوجي مو اي شي يجيبه على وجهه
خاصه انه عبد للجمال اذكر لما نشوف تي في
وتطلع وحده مزه يقول ياحظ زوجها
وياحظ اللي ياخذ كذا
لاتقولون نزوه و و لاني اعرف نظام زوجي الحقير
انا لو اخذ جميله بقول ايه انهبل
لاني عارفته يقدس الجمال يقدسه بشكل
بس اخذ وحده يارب استغفر الله مابي اتكلم فيها
ومطلقه وعن علاقه
والله لو اني موظفه ماجلس له دقيقه
بالبيت مع ان خواتي يقولون
اعتبريها مو موجوده وارجعي لوضعك وحياتك
وخلي لك يوم بس انا عايفته
شاركي في النقاش
سجلي الدخول لإضافة تعليق.
التعليقات
25- طيب انتي حكيمه وسحبتي نفسك منه
خلاص ليش تنبشين وراه بكيفه زينه شينه
لاجاب الشيطان طاريه تعوذي من ابليس
ودوري لك مركز والا نادي انشغلي فيه والا تعلمي لغه
والله يا اختي الفضاوه شينه
ما عليك منها واذا احد جاب طاريه قولي لا تكلمون فيه
اغتبريه ميت واعتبري نفسك ارمله وبتمشي حياتك
والله يوفقك - خلاص
وانا اختك خليه صرافه وابو للعيال وبس
انتبهي تجربن وراه والا تدخلين بمنافسه معها لانه ببساطه مايستاهل
خليه هو والجدر واحد
مصيره يمل ويدور ثالثه - ليش تسلمينه لها على طبق من ذهب نعم انت غلطانة المفروض خذني حقك الشرعي كامل مثلها بغض النظر انت تبينه ولا طاح من عينك عيالك من حقهم يشوفون جو أسري جميل بينكم وإذا زوجك راعي فراش بتأكيد بيميل لها ترى وصفك كأنك توصفين زوجي ومرته الجديدة لكن حامض على بوزهم ثنينهم اتركه انت صغيرة وتحتاجين الفراش وهذا حقك وهو واجب عليك يعطيه رجعي لوضعك الطبيعي ولا تتكلمين وراح تشوفينه يحبك مثل ما يحبها وانت الأساس وانت ام العيال وانت الجمال والجسم وكل المقومات عندك قريبه لك إذا مو عشانه عشان نفسك وعشان عيالك وخلي نيتك صافية وراح تشوفين أن الله معاك
- الحب وانا اختك اذا جاء
مايعرف شينه زينه
اعرف واحد من اقاربنا جميل
حب سمراء مو قبيليه وقومو الدنيا اهله وحلفو ماياخذها
وزوجه وحده وش جماله بياضها يكفي
اقسم بالله مكسف فيها والحين معلقه
ومتزوج عليها اردنيه وذلها ذل هي والاردنيه
وكلن يقول يبي هذيك اللي اهله ماخلو ياخذ
اما اللي يقولون اتركيه
لا والله غبيه ان تركتيه لان الثانيه هذا اللي تبيه
تبيه لها لحالها ىتحصليها استانست انك استسلمتي
اتعبيها واتعبيه خوذي حقوقك كامله حبيبة قلبه٢٩ الحب وانا اختك اذا جاء مايعرف شينه زينه اعرف واحد من اقاربنا جميل حب سمراء مو قبيليه وقومو الدنيا اهله وحلفو ماياخذها وزوجه وحده وش جماله بياضها يكفي اقسم بالله مكسف فيها والحين معلقه ومتزوج عليها اردنيه وذلها ذل هي والاردنيه وكلن يقول يب…
طيب عيشي حياتك طبيعيه ارجعي مثل اول
وغصب عليه يعدل
نكدي عليها اجل خذت الرجال بما حمل هذا اللي تبيه وهو بعد هذا اللي يبيه يبي يجلس عندها اربع وعشرين ساعه وانتي هيأتي لهم الجو
والله ما اخليهم ياخذون راحتهم واعيش انا مربيه للعيال وبس
ليه من حقك تطلعين معه وتتمشين معه وتاكلين وتشربين معه زوجك هو مو بس زوجها
والله لو رجعتي لحياتك الطبيعيه معه مثل اول بتشوفين المشاكل بينهم كيف
انتي بكذا خليتيها زوجة وحيده وهي المفروض الثانيه
هي اللي داخله عليك مهوب انتي هي المفروض اللي تتحمل كل وضعكم وكل ظروفكم
الحين انتي اللي تحملتي كل شي وخليتيه طاير فيها
خلاص وقفي وقفة معه وقولي له خلاص ستوب لحد هنا وكفايه انا ابي كافة حقوقي مثلي مثلها
وذيك الساعه خليه بس يقول لا
مهوب على كيفه ترا
مواضيع مشابهة
تابعي تجارب أخرى من هذا القسم.