زوجي وزوجته

الله يفرج همك ويربط على قلبك ويجعل زواجه برد وسلاماً عليك
معاك حق الرجال يحبوا الجميله الرشيقه البيضا اللي شعرها حرير وطويل وعيونها واسعه و و و لكن هذا كللللللله يتلاشي اذا جتهم وحده لسانها ينقط سكر واسلوبها يسحر وشاطره في الفراش
تقولي اخذها بعد علاقه اذن شبعت اذانه بالكلام المعسول ووعدته بوعود كثيره اذا صار لها بالحلال لتخليه اسعد انسان غذت فكره الباطن بكلامها المعسول ان سعادته معاها فقط وانها اشطر وحده راح تمتعه وتهنيه
ولاتجي وحده تقول ايش دراك !! واحد على علاقه بوحده بالحرام ليل مع نهار يتكلمو ويتراسلو ايش بيقولو؟؟ محاضره عن الحجاب والا نصيحه على الصلاه ؟
معروف ايش بيقولو وكيف يتصرفو وهي عرفت كيف تلعبها يعني على وصفك لها لو على الجمال محد خطبها لكن قالت اغطي على عيوبي بلساني واسلوبي
لاتخليها تتفوق عليك خليك الاحسن والاجمل شكلا ومضموناً
لاتبيني له زعلك دامك عايفته خلاص لاتفكري فيهم فكري بنفسك واولادك ولاتفكري في الانفصال نهائي بالعكس اولادك مالهم الا بيت ابوهم وفلوس ابوهم لهم كل الحق فيها
اشتركي في دورات تطوير الذات او ادخلي تحفيظ قران اشغلي نفسك بشي مفيد وانسيه

الجمال ماهو سبب للحب والدليل وضعك
على وصفك لها بس حبها يمكن أخلاقها يمكن طريقه تعاملها غلبت الجمال اللي تقولين عنه

زادت عليك بالفراش واللسان العسل وبيتها هاديء بدون صجة اولاد ...
هذك عرفتي العلة وين اولادك لا تجيبي غيرهم لين يتعدل وضعك لو ٣ يكفون..ركزي في تربيتهم..
الفراش واللسان العسل مقدور عليهم يالله اتشطري وادهري

ولا تعيشين نفسك في الوهم انه طاير فيها ويحبها تراها حالها من حالك مافيها زود عليك والفراش بدعي فيه قدر ما تقدرين عطيه ليلة يحلم فيها وبتشوفينه كيف يشتاق لك ويرجع لك وخذي حقك مو من الفلوس بس من كل شيء تمشيات مطاعم طلعات سفر واشغليه بالعيال شوفي مواقف لطيفة يسونها وارسليها له علقي قلب زوجك بعياله خليه هو ينفذ طلباتهم خل عيالك يسون حفلة حق ابوهم وجهزي هدية بسيطة خليها من اختيارهم لا تكلفين نفسك فوق طاقتك وفوقها ما يستاهل هدية ثمينة شغلي كيد النسا عدل وراح تشوفين كيف يحب بيتك واولادك ولا تجيبين لها طاري الموضوع خلاص وانتهى.