انصدمت بعد مشاركتي في محل الاسر المنتجة

لا ماهو صعبه بعدين من حقك تجربين اصناف غير لين تشوفين اللي يمشي انا 5محلات شاركت فيها وتعبت والطلبات علي والمندوب يوصل لي بمبلغ وخسرررررت كثيرررر وصبرت والحين شاركت بواحد ماشي حاله ادخل بالاسبوع من 150الى 200 تخيلي ماش والطلب قليل مع ان الاصناف مطلوبه لكن مدري هو حظ ولا ايش والله مااخفيك بعض المرات ابكي بحرقه ليش لانه مصدر دخل لي ماقينا وظاييف لكن لازم نصبر ونجاهد ونتوكل على الله سبحانه والله يرزقنا يارب

جربي كيكة العسل
وتشيز الكيك ميني اكسترا له قالب سليكون خاص والطلب من البيت افضل لك بمليون مرة اذا ماعندك مشكله مع المندوبين
والتارت
وانا اسوي كرات البسبوسة بجهاز البوب كيك طعمهت رهيب وعليها اقبال افضل من غيرها بالنسبه لي
ولازم تصبرين وتكافحين ربي يفتح لك ابواب الرزق والخير وكل من يقرأ اذا تبغين اي طريقة ادخلي خاص وابشري

الله يعوووضك خير يارب ..
م عليك البدايةة كيذا يمكن راح تكسبين اكثر م تدرين

اسئل الله انه يرزقك من حيث لاتعلمين ويفتح لك ابواب رحمته ورزقه استعيني في سجودك يارزاق ياذو القوه المتين ارزقني وباذن الله مايخيب الله ظنك لاتبكين ولاحاجه هي ارزاق من عند الله البكاء ماراح يفيدك ولكن الدعاء باذن الله يفتح عليك ابواب الرزق https://m.youtube.com/watch?v=w6iU12-SjSwفيديو YouTube

السلام عليكم ورحمة الله و بركاته
عن نفسي لما امر من عند اللوتس اصصصد هههههههههههه
ادور ع تارت بسكويت وفوق يصيرون مبدعين فيه كل مرة انقي تارت شكل
الفطاير ماشاء الله تمششي بشكل لو اتاخر ع المحل ساعة القى كل المعجنات رايحة
لذلك اذا تعرفين للمعجنات جربيها !
ميني سمبوسة بالجبن الكيري اححححبها واي مكان القاها احس لازم اجربها
ابدعي فيها حطي كل ثلاث حبات بعود وببن كل حبة وحبة مارشيلو صغيرة اي ششيء فكري وابدعي
دوري الشيء اللي الناس مالهم خلق يسوونه ويحبونه , انا مرة جربت اسوي الميني وححححرمت اعيدها انكسر ظهري ههههههههههه


الله يرزقك و يفتحها عليك رددي دايماً (( يا رزاق ياذو القوة المتين ارزقني )) >~ تعلمته من امي الله يغفر لها تقول ماعمري دعيته و ردني ربي رحمة الله عليها